Матэрыялы рубрыкі «Дзень за днём»

Кампанія па прафілактыцы сезоннай эпідэміі грыпу

У раёне набірае абароты кампанія па прафілактыцы сезоннай эпідэміі грыпу.

За кошт бюджэту медыкамі раёна набыты 10 000 доз вакцыны. Прышчэпкі зрабілі 8716 чалавек, у тым ліку 1373 дзіцяці. Звыш 70 прадпрыемстваў і арганізацый паклапаціліся пра вакцынацыю сваіх работнікаў, і такім чынам яшчэ 1600 чалавек, што складае 4,6 працэнта ад агульнай колькасці працуючых, змаглі засцерагчы сябе ад небяспечнай хваробы. Чытаць далей »

Валожыншчыну наведаў унук Фердынанда Рушчыца

Валожыншчыну чарговы раз наведаў унук сусветна вядомага мастака, ураджэнца Багданава Фердынанда Рушчыца – таксама Фердынанд. Дырэктар музея грошай пры Нацыянальным банку Польшчы традыцыйна некалькі разоў на год прыязджае на радзіму дзядулі, каб наведаць магілы сваякоў, але сёлета мэта візіту насіла значна шырэйшы характар. Разам з прадстаўнікамі адміністрацыі нашага раёна Фердынанд Рушчыц пабываў на прыёме ў міністра культуры Беларусі ў Пасольстве Рэспублікі Польшча, каб абмеркаваць магчымасць і перспектывы адкрыцця ў Багданаве музея знакамітага мастака.

«Дапамажы бліжняму»

У апошні час выязная шматпрофільная група “Дапамажы бліжняму”, якая сфарміравана пры тэрытарыяльным цэнтры абслугоўвання насельніцтва, пабывала ў 70 аддаленых вёсках раёна, дзе наведалі састарэлых, адзінокіх і адзінока прыжываючых грамадзян.

415 асоб з катэгорыі малазабяспечаных атрымалі гуманітарную дапамогу, кансультацыі юрыста і псіхолага. 23 пенсіянеры скарысталі магчымасць падстрыгчыся ў сваім доме ў вопытнага цырульніка з райцэнтра. Супрацоўнікі інспекцыі МНС праверылі жыллё вяскоўцаў на пажарную бяспеку.

Акцыя «Падарыце кнігу бібліятэцы»

Падчас правядзення акцыі “Падарыце кнігу бібліятэцы” за апошні квартал фонд раённай бібліятэкі папоўніўся больш чым на 250 экзэмпляраў мастацкай і галіновай літаратуры.

Самыя вялікія “ўклады” на кніжныя паліцы агульнага карыстання ўнеслі жыхары Валожына В. А. Бацян, М. У. Барсукова, М. А. Шакун, І. П. Бубневіч, Г. А Карповіч, А. В. Радына.

Восеньскія кірмашы

Традыцыйныя восеньскія кірмашы ўжо тройчы адбыліся ў Валожыне, у бліжэйшы час чакаюцца яшчэ два.

Райспажыўтаварыства прапаноўвала пакупнікам садавіну, агародніну, мясныя паўфабрыкаты і кандытарскія вырабы. Найбольшага гандлёвага поспеху дасягнулі Рэгіна Карпіевіч, прадавец магазіна ў Шчаўканах і Таццяна Рубацкая, прадавец магазіна № 79 “Ветразь”.

Карыстаецца попытам зерне і грэцкія крупы, якія рэалізуюцца сельгасвытворцамі з КСУП «Сугвазды-агра», агародніна з палеткаў ААТ «Манькаўшчына». Чытаць далей »

Парадак наводзяць талакой

На мінулым тыдні прайшла чарговая акцыя па добраўпарадкаванні івянецкіх могілак каля Чырвонага касцёла гарпасёлка.

Міні-талака паўдзельнічала ў навядзенні парадку на тэрыторыі: спілоўваліся старыя дрэвы, прыбіралася іншае смецце. Аб’ём работы вялікі, таму, відаць, і да Дзядоў усё не будзе скончана, хаця большая частка запланаванага добраўпарадкавання ўжо завершана. Чытаць далей »

Дзень за днём

У гэтым сезоне будзе абноўлена гарадская лазня. Ужо вядуцца работы па замене даху, у хуткім часе распачнецца рамонт фасаду і замена вокнаў, адбудуцца змены і ўнутры памяшкання.

Як паведаміў намеснік дырэктара па будаўніцтве РУП “Валожынскі жылкамунгас” А. М. Ліштван, увесь рамонтны працэс фінансуецца самімі камунальнікамі. Таму пэўная сума ў каштарыснай дакументацыі не вызначаецца. Плануецца, што да восені найбольш матэрыяльна-затратныя работы будуць скончаны, і аматары папарыцца з венічкам змогуць ацаніць новы выгляд лазні.

Дзень за днём

На турбазе “Нарачанка”, што ў Мядзельскім раёне, праходзіла 9-я спартакіяда арганізацый жыллёва-камунальнай гаспадаркі вобласці. 32 каманды сабраліся ў курортна-турыстычнай зоне, каб пазмагацца ў сіле, спрыце, лоўкасці.

Як і на кожным спартыўным спаборніцтве, самым хвалюючым момантам стала падвядзенне вынікаў. Радаснымі крыкамі “Ура!” сустрэлі валожынскія камунальнікі навіну аб тым, што ў агульнакамандным заліку яны занялі чацвёртае месца. Чытаць далей »

s001361_313613

Яшчэ адзін маладзёжны будаўнічы атрад нядаўна арганізаваны штабам студатрадаў пры раённым камітэце БРСМ.

Працуе ён на рэканструкцыі малочнатаварнай фермы ААТ “Суднікаўскі”. У атрадзе – восем падлеткаў з Івянецкай і Суднікаўскай школ, ёсць сярод іх і трое дзяўчат. Працуюць маладыя людзі па сем гадзін у дзень. Чытаць далей »

il-17-e-il-18-dicembre-il-test-del-concorso-scuola

Выпускнікі гэтага года з Валожына паказваюць выдатныя веды падчас цэнтралізаванага тэсціравання. Адразу дзве залатыя медалісткі набралі максімальныя 100 балаў: Дар’я Косік з СШ № 2 па беларускай мове і гімназістка Таццяна Красоўская па рускай.

 

У райспажыўтаварыстве арганізавана работа па продажы пайшчыкам нехарчовых тавараў без ПДК, а гэта значыць, на 20 працэнтаў танней. Аднак такая «прывілея» распаўсюджваецца пакуль толькі на тавары, што прапануюцца ў магазіне «Мэбля» райцэнтра і аддзеле «Электратавары» ўнівермага. З умовамі, як стаць паўнапраўным пайшчыкам таварыства, каб скарыстацца гэтай магчымасцю, раскажуць у адміністрацыі. Чытаць далей »

logo_uralec

У памяшканні Валожынскага краязнаўчага музея плануецца адкрыць экспазіцыю «Прырода і экалогія», дзе будзе прадстаўлена ўнікальная прырода прыгожага і багатага краю Налібоцкай пушчы ў розныя поры года, а таксама шматлікія экспанаты флоры і фаўны. Пакуль на першым паверсе створана так званая «восеньская» яе частка. 20 мільёнаў рублёў для гэтага выдаткавала ўпраўленне культуры Мінаблвыканкама. Чытаць далей »

247_chistiy_les

У рэспубліканскай добраахвотнай акцыі “Чысты лес”, якая нядаўна праходзіла і на тэрыторыі нашага раёна, прынялі ўдзел 409 чалавек – работнікі арганізацый, прадпрыемстваў, дзеці з Вішнеўскага школьнага лясніцтва. 15 куб. метраў бытавых адходаў, сабраных у лясах каля аўтатрас Мінск-Гродна і Мінск-Вільнюс, а таксама ў месцах масавага адпачынку было вывезена на палігоны ЦБА. Чытаць далей »

Дзень за днем

bela rus

Шырыцца адна з масавых грамадскіх арганізацый раёна – “Белая Русь”. Нядаўна прынята рашэнне райвыканкама аб пастаноўцы на ўлік пярвічнай арганізацыі “Белая Русь” Багданаўскага сельскага Савета дэпутатаў, РУ “Валожынрайгаз”, райвыканкама. Актывісты гэтай арганізацыі выступаюць ініцыятарамі розных грамадска-палітычных акцый, культурна-масавых мерапрыемстваў. Чытаць далей »

Дзень за днём:

pic

Раённая дзіцячая бібліятэка з 1 па 8 верасня праводзіць Тыдзень беларускай кнігі “Слава кніжцы беларускай!”, прымеркаваны да Дня беларускага пісьменства. Юным чытачам будуць прапанаваны тэматычныя выставы, гадзіны інфармацыйных знаходак і цікавага чытання, адкрыты кнігапрагляд, літаратурная сустрэча з беларускімі паэтамі і пісьменнікамі “Сэрцам роднага слова краніся”. Чытаць далей »

1794225

З 1 верасня ліквідуюцца Дубінскі і Вайганаўскі навучальна-педагагічныя комплексы “Дзіцячы сад-базавая школа”. Абодва будынкі будуць выстаўлены на аўкцыён, а школьную маёмасць плануецца размеркаваць па іншых установах адукацыі раёна. У новым навучальным годзе ў раённай сістэме адукацыі застануцца 2 базавыя школы: Сівіцкая і Каменская. Чытаць далей »


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars