Матэрыялы рубрыкі «Галоўныя падзеі»

НА ПЕРШЫМ МЕСЦЫ – ЭФЕКТЫЎНАСЦЬ: на пасяджэнні раённага выканаўчага камітэта абмеркавалі работу па прафілактыцы правапарушэнняў.

У мерапрыемстве ўдзельнічалі намеснік Генеральнага пракурора Рэспублікі Беларусь Аляксандр Міхайлавіч Лашын, намеснік пракурора вобласці Сяргей Паўлавіч Шыкунец, намеснік начальніка УУС Мінаблвыканкама Віталь Анатольевіч Казлоў. У цэлым, адзначана станоўчая дынаміка ўздзеяння праводзімых прафілактычных мер на стан злачыннасці ў нашым рэгіёне. Але паступілі і пэўныя заўвагі, згодна з якімі неабходна скарэкціраваць план комплексных мерапрыемстваў на бягучы год. Чытаць далей »

Юныя лыжнікі выйшлі на старт

У мінулую суботу на базе гімназіі № 1 г. Валожына прайшоў раённы Дзень здароўя.

У яго рамках адбыліся спаборніцтвы сярод дзяцей і падлеткаў па лыжных гонках, у якіх прынялі ўдзел лепшыя прадстаўнікі амаль усіх устаноў агульнай сярэдняй адукацыі раёна, а таксама квэст-гульня “Зімовыя забавы”. Чытаць далей »

Дарылі радасць вялікай урачыстасці

Дзясяты раз прайшоў фестываль праваслаўных песнапенняў “Калядная зорка” ў аг. Вішнева, які сабраў больш за пяцьдзясят удзельнікаў.

Фестывальны дзень пачаўся з наведвання царквы Святых Бяссрэбранікаў Касмы і Даміяна, дзе адбыўся малебен на пачатак добрых спраў. Яго правёў настаяцель Вішнеўскага храма айцец Аляксандр Чурыла. Чытаць далей »

100 гадоў адкрыццяў, дасягненняў, развіцця

Напрыканцы мінулага тыдня ў РЦК прайшла ўрачыстасць, прымеркаваная да 100-годдзя ўтварэння Беларускай Савецкай Сацыялістычнай Рэспублікі.

1 студзеня 2019 года наша краіна адзначыла векавую дату з моманту свайго існавання. Гэта цэлая эпоха нацыянальнага і дзяржаўнага адраджэння беларускага народа і станаўлення краіны. Яе гісторыя стваралася пакаленнямі моцных і таленавітых людзей, іх упартай працай. Таму на мерапрыемства былі запрошаны шаноўныя ветэраны Вялікай Айчыннай вайны і працы, былыя кіраўнікі прадпрыемстваў і арганізацый раёна, члены працоўных калектываў. Чытаць далей »

Лепшая ў вучэбнай дзейнасці

У цэнтральным рэгіёне ў чацвёрты раз прайшоў штогадовы конкурс “Вучань года Мінскай вобласці-2018”. Цырымонія ўшанавання яго пераможцаў стала завяршальным акордам рэспубліканскай дабрачыннай акцыі “Нашы дзеці”. Чытаць далей »

Захаваць лад і згоду

Па традыцыі, у студзені супрацоўнікі РАУС праводзяць аналіз сваёй работы за папярэдні перыяд. На мінулым тыдні ў зале пасяджэнняў райвыканкама прайшоў прадстаўнічы сход, на якім былі агучаны вынікі аператыўна-службовай дзейнасці за 2018 год. Чытаць далей »

«Чалавек года Міншчыны» – той, хто сапраўды ўмее любіць сваю малую радзіму»

— адзначыў у прывітальным звароце да ўдзельнікаў урачыстага мерапрыемства ў Маладзечанскім Палацы культуры кіраўнік вобласці Анатоль Міхайлавіч Ісачанка. Гэта ганаровае званне па выніках работы за 2018 год прысвоена 28 прадстаўнікам цэнтральнага рэгіёну краіны. Сярод іх – прадстаўнік СГУ «Бабровічы» УП «Мінскаблгаз» Леанід Канстанцінавіч Шарко. Акрамя таго, Ганаровай граматай Мінскага аблвыканкама ўзнагароджана яшчэ адна наша славутая зямлячка – Герой Сацыялістычнай Працы Зоя Макараўна Задора. Чытаць далей »

Крупская зямля – радзіма двойчы Героя Савецкага Саюза Кавалёнка і тайна скарбаў Напалеона…

Сярод лясоў і палёў беларускай зямлі на мяжы Мінскай і Віцебскай абласцей раскінуўся Крупскі раён. Выцягнуты з поўначы на поўдзень, па сваіх контурах ён нагадвае вялікае сэрца.

Тут працякае найважнейшая водная артэрыя раёна – маляўнічая рака Бобр. «Жамчужынай» раёна па праве лічыцца возера Сялява, плошча якога складае 26 квадратных кіламетраў. Чытаць далей »

Каштоўны падарунак

У студзені Івянецкі музей традыцыйнай культуры атрымаў у дар ад інжынера Аляксандра Плявакі з Яраслаўля копію «Карты Российской Империи и сопредельных с нею государств», якая была спецыяльна зроблена ў Маскве.
Карта складзена ў 1902 г. генералам-лейтэнантам Эдвардам Каверскім, кіраўніком імператарскай ваенна-геадэзічнай службы. Лёс аўтара звязаны з Івянцом: у 1865 г. ён жаніўся на Альжбэце Плявака і такім чынам стаў уладальнікам мястэчка. Шмат клапаціўся пра развіццё пасёлка, дзе ў той час не было каталіцкага храма. Таму ў 1904-1907 гг. пераважна з уласных сродкаў пабудаваў касцёл Св. Аляксея, дамогшыся гэтага права асабіста ў імператара Мікалая II. Чытаць далей »

Без страху глядзіць небяспецы ў вочы…

Аляксандр Вячаслававіч ЖУРКЕВІЧ амаль 20 гадоў стаіць на варце бяспекі, большую частку з іх ён працуе начальнікам падраздзялення пажарнай аварыйна-выратавальнай часці № 1 Валожынскага раённага аддзела па надзвычайных сітуацыях.

Аляксандр цвёрда перакананы, што выбраў прафесію правільна. Падчас нясення службы ў яго было нямала выездаў на складаныя пажары. За плячамі ў Аляксандра – вялікі вопыт ліквідацыі надзвычайных здарэнняў, выратавання чалавечых жыццяў, маёмасці. На яго думку, няма на свеце нічога больш высакароднага, чым займацца такой справай. Чытаць далей »

Час для справаздач

На мінулым тыдні адбылося падвядзенне вынікаў работы Валожынскага раённага аддзела па надзвычайных сітуацыях за 2018 год. На справаздачы прысутнічаў начальнік установы “Мінскае абласное ўпраўленне МНС” Сяргей Васільевіч Лапановіч.

Найбольшым дасягненнем за справаздачны перыяд стала тое, што ў раёне зменшылася колькасць пажараў і гібелі людзей у агні. Гэта стала магчымым у тым ліку і па прычыне шырокай інфармацыйнай работы, пастаяннага навучання насельніцтва. У планах – і на будучы год не спыняцца на дасягнутым. Чытаць далей »

“Галоўнае для чалавека – пакінуць добры след на зямлі”

17 студзеня 80-гадовы юбілей адзначыла былы галоўны аграном калгаса імя Чапаева (цяпер ААТ “Лоск”) Марыя Якаўлеўна Гіль. Такіх прафесіяналаў у сваёй справе няшмат. Пацвярджэнне чаму – высокая адзнака працы: ордэны Леніна, Працоўнага Чырвонага сцяга, Знак Пашаны, Ганаровая грамата Вярхоўнага Савета і Міністэрства сельскай гаспадаркі БССР. Неаднаразова з’яўлялася дэлегатам партыйных канферэнцый у Мінску – выступала ад Валожынскага раёна. Выбіралася дэлегатам XXIX з’езда Камуністычнай партыі Беларусі, прымала ўдзел ва Усесаюзнай выставе дасягненняў народнай гаспадаркі ў Маскве і як галоўны аграном двойчы атрымлівала бронзавы медаль “За поспехі ў народнай гаспадарцы СССР”. 39 гадоў і чатыры месяцы аддала М. Я. Гіль любімай рабоце, тры дзясяткі з якіх – лоскай зямлі. Чытаць далей »

З лідарскім задорам

Рэдакцыя сумесна з упраўленнем па адукацыі, спорце і турызме райвыканкама праводзіць творчы праект пад назвай “Вучань года”. Кожную пятніцу мы будзем знаёміць чытачоў з таленавітымі і ініцыятыўнымі, творчымі і крэатыўнымі школьнікамі, якія ведамі, розумам, стараннем і дасягненнямі праслаўляюць раён, сваю школу, настаўнікаў і сябе.

Штогод з мэтай выяўлення, падтрымкі і развіцця інтэлектуальна-творчага патэнцыялу сярод вучняў 3-11 класаў праводзіцца раённы конкурс, які вызначае самых лепшых, самых дапытлівых, самых эрудзіраваных рабят раёна. У арганізацыйны камітэт паступілі 52 заяўкі з 15 устаноў агульнай сярэдняй адукацыі. Журы вызначыла 37 пераможцаў у 18 намінацыях.

За плячамі ўдзельнікаў шматлікія перамогі на прадметных алімпіядах, паспяховая абарона творчых праектаў, выступленні на навукова-практычных канферэнцыях, удзел у спартыўных спаборніцтвах, творчых конкурсах, грамадскім жыцці школы і горада. Трэба, каб пра іх ведалі ўсе, імі ганарыліся, з іх бралі прыклад. Чытаць далей »

Пастаянна дзеючы семінар для старшынь раённых Саветаў дэпутатаў прайшоў на Валожыншчыне

Узначаліла мерапрыемства старшыня Мінскага абласнога Савета дэпутатаў Наталля Віктараўна Якубіцкая. 23 кіраўнікі рэгіянальных структур сустрэліся на нашай зямлі, каб абмеркаваць тэму ўдасканалення дзейнасці дзяржаўных органаў першаснага ўзроўню. Чытаць далей »

Кубак разыгралі ў Івянцы

У апошні месяц 2018 года ў Івянцы адбыўся трэці адкрыты абласны кубак па міні-футболе “Іграй, як я!” сярод навучэнцаў Валожынскага і Стаўбцоўскага раёнаў, прысвечаны памяці настаўніка фізічнай культуры Сяргея Вітальевіча Скібы. Чытаць далей »

Рэгіянальныя навіны ад члена Беларускага саюза журналістаў Наталлі ШТЭЙНЕР

9 студзеня ў Палацы Рэспублікі прайшла штогадовая ўрачыстая цырымонія ўручэння прэмій Прэзідэнта Рэспублікі Беларусь “За духоўнае адраджэнне” і спецыяльных прэмій Прэзідэнта дзеячам культуры і мастацтва.

На гэтай урачыстасці і святочным канцэрце з удзелам лепшых мастацкіх калектываў і салістаў краіны пашчасціла пабываць 13 членам Івянецкага аддзела “Саюза палякаў на Беларусі”. Мерапрыемства рэспубліканскага маштабу пакінула незабыўнае ўражанне. Чытаць далей »


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars