Рубрика: Региональные новости

    У нашым раёне практычна ўсе сельгаспрадпрыемствы маюць уласныя пчальнікі, некаторыя дастаткова вялікія. Між тым, у іншых раёнах вобласці мёдам займаюцца 2-3 гаспадаркі.     Самы вялікі пчальнік – у КСУП “Пяршаі-2014” – налічвае 100 пчоласем’яў, у КСУП “Падбярэззе” – 45. У ААТ “Агра-Дубінское” ўтрымліваюць 32 сям’і, ТДА “Тарасава” (участак “Пугачы”) – 31, ААТ “Суднікаўскі” і […]

На працягу летніх месяцаў на вуліцы Савецкай у райцэнтры заменены свяцільні вонкавага асвятлення на святлодыёдныя. Усяго ўстаноўлены 67 новых свяцільняў. Работы праводзіліся ў два этапы. Кошт саміх свяцільняў – 5300 рублёў.

    У кацельнай Ракаўскай сярэдняй школы, якая знаходзіцца на балансе РУП “Валожынскі жылкамунгас”, перад пачаткам ацяпляльнага перыяду былі ўстаноўлены новыя катлы. Яны працуюць у аўтаматычным рэжыме, а ў якасці паліва выкарыстоўваюцца драўняныя пялеты.

    У Сусветны дзень пошты начальнік участка паштовай сувязі Людміла Леанідаўна Шаўрэй разам са старшым інструктарам-інспектарам Аксанай Аляксееўнай Тышкевіч правялі ўрок у 4 “Б” класе гімназіі № 1.     Яны расказалі хлопчыкам і дзяўчынкам пра Сусветны паштовы саюз, яго гісторыю, работу паштальёнаў у нашым раёне, паслугі, якія аказваюць работнікі паштовай сувязі.

    З мэтай паспяховай інтэграцыі і абмену вопытам паміж работнікамі цэнтральнай бібліятэкі самакіравання Вільнюскага раёна і Валожынскай цэнтральнай раённай бібліятэкай з 28 па 30 верасня дэлегацыя нашых работнікаў на чале з дырэктарам І. М. Зянько наведала пасёлак Рудамін у суседняй Літве. Варта нагадаць, што з Рудамінам наш раён працяглы час звязваюць сяброўскія сувязі, а іх […]

    26 верасня адбылося пасяджэнне Вышэйшай атэстацыйнай камісіі (ВАК) Рэспублікі Беларусь. Па выніках разгляду дысертацый і атэстацыйных спраў вучоная ступень доктара навук прысуджана 2 чалавекам. Адна з іх, доктара філалагічных навук, – Марыне Станіславаўне Рагачэўскай, дзявочае прозвішча Дэюн. Дарэчы, гэта першая доктарская дысертацыя па замежнай літаратуры за час існавання Рэспублікі Беларусь як незалежнай дзяржавы. Сярэдняя […]

    З 1 кастрычніка раённы вузел паштовай сувязі пераўтвораны ў Валожынскі ўчастак Маладзечанскага рэгіянальнага вузла паштовай сувязі. Начальнікам участка засталася Людміла Леанідаўна Шаўрэй.     Кіраўніцтва запэўніла, што на абслугоўванні кліентаў гэта змяненне ніякім чынам не адаб’ецца.

У сістэме спажывецкай кааперацыі раёна ўкараняецца канцэпцыя тыпізацыі гандлёвых аб’ектаў: адпрацоўваецца тэхналогія продажу тавараў па метадзе поўнага самаабслугоўвання.     Як вядома, новае – гэта добра забытае старое… І, здаецца, своечасова райспажыўкааперацыя ўзялася нешта мяняць, пакуль толькі ў пераабсталяванні сваіх гандлёвых кропак.

    У чацвер ідэалагічнаму актыву раёна прадставілі першага сакратара раённай арганізацыі Камуністычнай партыі Беларусі – Наталлю Паўлаўну Лоўчую, якая працуе дырэктарам раённага краязнаўчага музея.     Напярэдадні новага лідара камуністы абралі на пазачарговым сходзе. Да гэтага моманту раённую арганізацыю на працягу дзесяці гадоў узначальвала Ірына Сяргееўна Каваленка.

    12 верасня ў Мінску адбылася выніковая канферэнцыя Праекта міжнароднай тэхнічнай дапамогі садзейнічання развіццю на мясцовым узроўні ў Рэспубліцы Беларусь. Наш раён уваходзіў у трыццатку пілотных раёнаў, дзе рэалізоўваўся дадзены Праект.

    Каля 100 дзяцей школьнага ўзросту і больш за 25 дашкольнага пражываюць у нашым раёне на тэрыторыях з перыядычным радыяцыйным кантролем. Не менш за адзін раз на год у абавязковым парадку яны праходзяць санаторна-курортнае лячэнне і аздараўленне.

    У мінулую суботу падчас святкавання раённых “Дажынак” у Івянцы добра папрацавалі работнікі раённага вузла паштовай сувязі. Увагу да іх кропкі прыцягвала яркая роставая лялька ў выглядзе паштовай скрыні. На раённых святах яна з’явілася ўпершыню.

     З 1 верасня дырэктарам ДУА “Івянецкая сярэдняя школа” прызначана Юзэфа Іосіфаўна Кулак.    Ю. І. Кулак нарадзілася ў 1970 годзе. У 1989 годзе скончыла Нясвіжскае педагагічнае вучылішча па спецыяльнасці “Настаўнік пачатковых класаў”. Івянецкая сярэдняя школа – першае і адзінае месца работы педагога. Тут яна працавала настаўніцай пачатковых класаў, адзін навучальны год – намеснікам дырэктара […]

     У сістэму райспажыўтаварыства прыйшло сёлета 11 маладых спецыялістаў. Прыбылі яны ў наш раён па размеркаванні пасля заканчэння розных навучальных устаноў. Спецыялісты рабочых спецыяльнасцей павінны адпрацаваць адзін год, з сярэдняй спецыяльнай адукацыяй – два гады, з вышэйшай – тры.

    Падведзены вынікі раённага этапу абласнога агляду-конкурсу на лепшае добраўпарадкаванне і азеляненне тэрыторый устаноў адукацыі. У ім прынялі ўдзел 24 школы, вучэбна-педагагічныя комплексы і дзіцячыя сады. Вызначаны лепшыя ўстановы ў трох намінацыях: “Лепшае знешняе азеляненне”, “Лепшае ўнутранае азеляненне” і “Тэрыторыя бяспекі”.

    Валожынскі вузел электрасувязі па ўмовах калектыўнага дагавору выдзеліў матэрыяльную дапамогу на падрыхтоўку да школы двум мнагадзетным сем’ям, у якіх ёсць школьнікі. Па 100 рублёў на дзіця-школьніка наймальнік пералічыць на бацькоўскія банкаўскія карткі.