Общество

Часам здараецца так, што ў адных мясцінах чалавек прыходзіць у гэты свет, у другіх атрымлівае прафесію, трэція ж становяцца домам на доўгія гады. Менавіта так складваўся жыццёвы шлях і ва Уладзіміра ЛУШЧЫЦКАГА, урача-тэрапеўта тэрапеўтычнага аддзялення цэнтральнай раённай бальніцы.

Пакідаючы родны Пінск, каб стаць студэнтам Гродзенскага дзяржаўнага медыцынскага ўніверсітэта, ён наўрад ці мог прадбачыць, што менавіта на Валожыншчыне давядзецца прымяняць набытыя веды.

З 1996 года Уладзімір Вадзімавіч займае сваю пасаду, з дня ў дзень дапамагаючы пацыентам перамагаць хваробы, з года ў год павышаючы свой прафесійны ўзровень. Акрамя асноўнай спецыялізацыі асвоіў яшчэ адну – ультрагукавое абследаванне. Цяпер з дапамогай сучаснага абсталявання ён паспяхова дыягнастуе паталогіі сэрца і сасудзістай сістэмы.

Днямі ўрач-тэрапеўт Валожынскай ЦРБ Уладзімір Лушчыцкі быў узнагароджаны ганаровым знакам «Выдатнік аховы здароўя Рэспублікі Беларусь».

Андрэй ЗАХАРАНКА.

Фота Сяргея БОБРЫКА.

 



Добавить комментарий