СЛЁЗЫ ПАЖАРУ НЕ ТУШАЦЬ

Закон и порядок

Бацькі павінны тлумачыць дзецям асноўныя правілы бяспекі яшчэ з малодшага школьнага ўзросту.

Важна, каб дзіця ведала хатні адрас і нумар тэлефона, умела карыстацца мабільнікам, каб пры неабходнасці патэлефанаваць у службы экстранай дапамогі або вам на працу. Ля тэлефона замацуйце паперу з неабходнымі нумарамі.

Растлумачце дзіцяці, што ў выпадку пажару трэба выбягаць на вуліцу і клікаць на дапамогу, ні ў якім разе нельга хавацца.

Запалкі і запальніцы захоўвайце ў недаступных для дзяцей месцах.

Не дазваляйце дзіцяці самастойна карыстацца газавымі і электрычнымі прыборамі, тапіць печы.

Не пакідайце без нагляду малалетніх дзяцей нават на некалькі хвілін.

Адпраўляючы дзяцей у вёску, яшчэ раз нагадайце ім асноўныя правілы бяспекі. Гульні з запалкамі на гарышчах, у адрынах, падпальванне сухой травы, таполевага пуху – досыць частая “забава” дзяцей.

Тлумачце дзецям, што гульні на будоўлі небяспечныя. Будаўнічыя інструменты і матэрыялы прыбірайце ў недаступныя для дзяцей месцы.

Не адпускайце дзіця купацца адно, не дазваляйце плаваць больш за 10 хвілін, ныраць у незнаёмых месцах, сваволіць на вадзе.

Штодня нагадвайце дзіцяці аб правілах дарожнага руху.

Калі вы апрацавалі агарод ядахімікатамі, то абавязкова абнясіце тэрыторыю якой-небудзь агароджай і растлумачце дзіцяці, што заходзіць туды небяспечна. Схавайце лекі і хімічныя рэчывы ў недаступныя для дзяцей месцы.

Калі недалёка знаходзіцца лес, пакажыце дзіцяці, якія расліны і ягады нельга чапаць і есці.

Раённы аддзел МНС.

 



Добавить комментарий

Ваш e-mail не будет опубликован. Обязательные поля помечены *