ДРЭВА СОНЕЧНАЯ ЦЕПЛЫНЯ…

Культура

Ля ўваходнай брамкі на тэрыторыю Івянецкага музея традыцыйнага мастацтва кожнага сустракае стромкая драўляная скульптура. Яна ўжо міжволі прадвяшчае шматлікім наведвальнікам установы, турыстам, што фонды музея, відаць, маюць непасрэднае дачыненне і да мастацтва, якае нараджаецца з дрэва…

Адчыніўшы ўваходныя дзверы ў музей, гэта думка-здагадка яшчэ больш умацоўваецца. Бо тут вас сустракае задуменны, лірычны вобраз “Папараць-кветкі”. Аўтар гэтай удалай метафарычнай работы жыве ў Івянцы. Гэта Мікалай Вітольдавіч Задрэйка – вядучы метадыст музея.

Яго працоўны дзень праходзіць у майстэрні, якая размешчана па вуліцы Прамысловай гарпасёлка. Тут ён штодзень з

.

задавальненнем акунаецца ў стыхію творчасці. Нярэдка інструменты, масіўны прыродны матэрыял з дрэва даводзіцца адкласці ўбок. Бо ў майстэрню рамесніка наведваюцца шматлікія айчынныя ды і замежныя турысты, каб дакрануцца да вытокаў гэтай творчасці.

Алег Раманоўскі, Мікалай Задрэйка – гэта, мабыць, адны з тых, хто ў Івянцы праз шмат дзесяцігоддзяў пачалі актыўна развіваць і працягваць справу вялікага майстра, шырока вядомага не толькі ў Беларусі – Апалінарыя Пупко. Гэтага ўнікальнага чалавека ўжо даўно няма на белым свеце. Але неўміручая творчая спадчына і цяпер цешыць душу! На другім паверсе музея адкрыта пастаяннадзеючая выстава скульптуры, плоскай дэкаратыўнай разьбы па дрэве. Захоўваюцца работы і ў фондах-запасніках.

Імклівыя гады не маюць улады над яго творчасцю. Яна па-ранейшаму захапляе, здзіўляе, яна падахвочвае наведвальнікаў і самім паспрабаваць папрацаваць з дрэвам. Не раз бываў тут і Мікалай Задрэйка. Вялікі дар разьбяра А. Пупко разбудзіў здольнасці і ў яго душы. Цяпер М. Задрэйка ўпэўнена ідзе да сваіх прафесійных вышынь. Дарэчы, Івянец заслужана лічыцца адным з цэнтраў разьбы па дрэве ў рэспубліцы. Не выпадкова тут праходзіў абласны пленэр майстроў-разьбяроў.

Ірына ПАШКЕВІЧ.

Фота аўтара.

 



Добавить комментарий