На добрую памяць ад БРСМ

Общество

Стартавала ўсебеларуская акцыя “За любімую Беларусь”, што ладзіцца па ініцыятыве ЦК ГА “БРСМ”.

Па традыцыі пачаткам яе стаў конкурс на лепшую “валянцінку”. Як заўсёды, крэатыўная моладзь прадстаўляла свае творы ў раённыя камітэты, дзе праводзіўся адбор для абкамаў і ЦК. Далей “валянцінкі”-віншаванкі, у якіх найбольш яскрава адлюстравана тэма акцыі, у якасці памятных падарункаў перадаваліся ў дзяржаўныя ўстановы, а таксама вядомым асобам – палітыкам, грамадскім дзеячам, артыстам, музыкантам, тэлевядучым.

Актывістамі Валожынскага РК усяго падрыхтаваны шэсць работ, што выкананы ў розных тэхніках. Яны атрымалі добрую адзнаку журы на ўсіх этапах. Дакладна вядома, што адна з валожынскіх “валянцінак” стала падарункам для вядомага шоумена Яўгена Булкі. Аўтар – Юлія Гісіч, член РК “БРСМ”, мастачка, спецыяліст аддзялення дзённага знаходжання маладых інвалідаў ТЦСАН.

Валянціна КРАЎНЕВІЧ

фота прадастаўлена РК БРСМ



Добавить комментарий