Дакрануліся да гісторыі

дакрануліся-да-гісторыі

У чэрвені навучэнцы гімназіі № 1 г. Валожына дапамаглі супрацоўнікам аддзела ЗАГС падрыхтаваць да здачы ў Нацыянальны архіў прыходскія кнігі цэркваў і касцёлаў, у якіх занатаваны рэгістрацыі актаў дзяржаўнага стану насельніцтва Валожыншчыны.

Гэта запісы аб нараджэнні, шлюбе, смерці жыхароў раёна з 1917 года. На раённым узроўні каштоўныя рукапісы павінны захоўвацца 75 гадоў, таму самыя старэйшыя ўжо здадзены ў галоўную ўстанову для захоўвання дакументаў. Некаторыя кнігі сшыты такім чынам, што ў адным экзэмпляры азначаны звесткі і за 1918, і, напрыклад, за 1938 гады. Таму тэрмін здачы ўстанаўліваецца па апошніх запісах.

Выпускнікі 9 класа Раман Грынкевіч, Аляксей Балтуцкі, будучыя адзінаццацікласніцы Карына Клачко і Вераніка Ляшкевіч з радасцю адгукнуліся на прапанову папрацаваць з “жывой гісторыяй”. Амаль тыдзень па некалькі гадзін у дзень юнакі і дзяўчаты нумаравалі старонкі пажаўцелых ад часу рарытэтаў. Маладыя людзі цікавяцца даўніной, таму такую справу палічылі карыснай для сябе. Вераніка Ляшкевіч, напрыклад, упэўнена: яе будучыня абавязкова будзе звязана з вывучэннем гісторыі.

Як адзначыла галоўны спецыяліст аддзела ЗАГС Вольга Цялеўка, важнасць дакументаў, з якімі давялося папрацаваць гімназістам, цяжка пераацаніць. Парафіяльныя запісы дапамагаюць пры ўнясенні змяненняў у пасведчанні аб нараджэнні, падцвярджэнні сваяцтва, удакладненні напісання прозвішча, пры вырашэнні пытанняў, звязаных са спадчынай.

Валянціна КРАЎНЕВІЧ,

фота аўтара

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars