Рэгіянальныя навіны ад члена Беларускага саюза журналістаў Наталлі Штэйнер

6855

У апошні дзень чэрвеня ў Валожынскім прафесіянальным сельскагаспадарчым ліцэі адбыўся выпускны вечар.

Дыплом аб прафесіянальна-тэхнічнай адукацыі атрымаў 51 выпускнік.

З адзнакамі ў дыпломе ад 7 да 10 балаў скончылі ліцэй Дзмітрый Загорскі і Павел Наквас. Выпускнікам, якія добра вучыліся і прымалі актыўны ўдзел у грамадскім жыцці ўстановы, горада і раёна, былі ўручаны Ганаровыя граматы і грашовыя прэміі ад кіраўніцтва ліцэя і падарункі ад раённай арганізацыі БРСМ. Усім выпускнікам гарантавана першае рабочае месца – яны атрымалі накіраванні на работу па атрыманых спецыяльнасцях: слесар па рамонце сельскагаспадарчых машын і абсталявання, трактарыст-машыніст, вадзіцель аўтамабіля, швачка і цырульнік.

 

Сандружына ААТ “Валожынская райаграпрамтэхніка” прыняла ўдзел у абласным конкурсе, які прайшоў на базе палігона філіяла ІППК “Універсітэта грамадзянскай абароны МНС Беларусі” ў Барысаўскім раёне. Камандзір сандружыны – інжынер па матэрыяльна-тэхнічным забеспячэнні Дзмітрый Жукоўскі.

 

Спецыяльна да абласных выпрабаванняў прадпрыемства набыло 14 камплектаў касцюмаў і аднаразовыя касцюмы для ўваходу ў хімічны ачаг, выдаткаваўшы на гэта 554 рублі.

 

 

У цяпліцы жылкамунгаса вырасцілі сёлета 55 тысяч адзінак расады кветак: пеларгоніі, пятуніі, газаніі, бархатцаў, бальзаміну, сальвіі, бягоніі, агератуму, цэлозіі, ірэзіне і іншых.

 

53 тысячы рознакаляровых кветак высаджаны на вуліцах і плошчах раённага цэнтра, Івянца, іншых населеных пунктаў, частка рэалізавана ў маі-чэрвені прадпрыемствам і арганізацыям раёна для ўпрыгажэння тэрыторый. 235 штук кветак набыло ДУП “Валожынскае ПМС”, 100 штук расады – раённы вузел паштовай сувязі і інш.

 

 

З 30 чэрвеня па 2 ліпеня на турбазе “Белае возера” ў Брэсцкай вобласці адбыўся рэспубліканскі фестываль здаровага ладу жыцця ”Мама, тата, я – здаровая сям’я”.

У складзе каманды Мінскай вобласці былі і прадстаўнікі нашага раёна – сям’я Колышка: мама Наталля, якая працуе выхавальніцай у дзіцячым садзе № 6, тата Андрэй, работнік фірмы “Агра-стыль”, і іх сыны – Іван, 2005 года нараджэння, і Яўген, 2010 года нараджэння. Каманда Міншчыны заняла агульнае другое месца.

Значны ўклад у скарбонку дасягненняў унеслі нашы землякі. Наталля Колышка ў скачках у даўжыню з адным з сыноў заняла першае месца, з другім – другое.

 

 

 

Выхаванцы аддзялення дзённага знаходжання для інвалідаў тэрытарыяльнага цэнтра сацыяльнага абслугоўвання насельніцтва па ініцыятыве старшыні раённай арганізацыі Беларускага таварыства інвалідаў В. Субача пабывалі на V юбілейным дзіцячым фестывалі “Мы патрэбны адзін аднаму”.

 

На гэты раз фестываль праходзіў на тэрыторыі Мінскага заапарка. Гасцям прапанавалі разнастайную забаўляльную праграму: выставы дэкаратыўна-прыкладнога мастацтва дзяцей-інвалідаў, майстар-класы, конкурсы, віктарыны. У канцэртнай праграме разам з дзецьмі выступалі артысты беларускай эстрады. Доўгімі апладысменталі праводзілі слухачы выхаванца нашага аддзялення Уладзіслава Рэута. Дарэчы, гэта было не першае выступленне Уладзіслава за межамі раёна.

 

 

На працягу двух дзён у Салігорску праходзіў фінал абласных спаборніцтваў на прызы Прэзідэнцкага спартыўнага клуба “Скураны мяч”, у якім прымалі ўдзел 5 каманд.

Юныя футбалісты нашага раёна, выхаванцы трэнераў Аляксандра Кавязы і Андрэя Пракаповіча, занялі першае месца.

У каманды Мінскага раёна яны выйгралі з лікам 8:2, у сваіх равеснікаў са Стаўбцоўскага раёна з лікам 5:2, каманды Салігорскага і Смалявіцкага раёнаў перамаглі з лікам 4:1 і 2:0. Лепшым варатаром турніру названы капітан нашай каманды Ягор Казлоў (гімназія), лепшым нападаючым – Мікіта Юркевіч (СШ № 1), самым тэхнічным іграком прызнаны Нікадзім Жалток (Івянецкая СШ). Каманда вярнулася дадому з кубкам і граматамі, кожны ігрок атрымаў невялікі падарунак.

 

 

Ініцыятыва караецца толькі ў жартоўных выказваннях, часцей яна прыносіць узнагароды і дывідэнды.

Работнік раённай бібліятэкі Аляксей Шчарбачэвіч па ўласнай ініцыятыве паўдзельнічаў у фотаконкурсе, які праводзілі Hrodna life і фестываль падарожжаў «Самаход», – «У Еўропу і Беларусь без візы».

Патрабавалася даслаць фота з падарожжаў апошняга часу з подпісам. Аляксей адправіў фота з музея на Домскай плошчы ў Рызе, якое крыху больш чым за суткі набрала 57 ”лайкаў”, і такім чынам заняло першае месца. У падарунак фатографу даслалі майку з лагатыпам і power bank.

 

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars