Сакрэты паспяховай уборкі

i

      Практычныя заняткі па пытаннях арганізацыі і кантролю якасці ўборкі ўраджаю рапсу і зерневых культур прайшлі ў аўторак на базе СГУ “Бабровічы” УП “Мінскаблгаз” пад старшынствам кіраўніка раённай вертыкалі ўлады М. А. Астрэйкі. У семінары-вучобе прынялі ўдзел галоўныя інжынеры і аграномы сельгасарганізацый раёна.

Пытанням уборкі рапсу надаецца вельмі вялікая ўвага, бо ён з’яўляецца крыніцай высакаякаснага расліннага алею і кармавога бялку. Да таго ж, салому гэтай культуры можна паспяхова выкарыстоўваць у якасці арганічных угнаенняў. Яшчэ адзін важны аспект: цана на рапс перавышае ў 3-3,5 раза кошт зерневых культур, што дае магчымасць сельгаспрадпрыемствам атрымліваць добры прыбытак. Напрыклад, сёлета яго закупляюць па 734 рублі за 1 тону.

Якасць уборкі рапсу ў многім залежыць ад падрыхтоўкі камбайнаў і прафесіяналізму камбайнераў. Таму асаблівая ўвага падчас семінара-вучобы была звернута на дадатковую герметызацыю асобных вузлоў і элементаў зернеўборачнай тэхнікі, якая дазваляе пазбегнуць уцечкі рапсу.

Сёлета на ўборцы рапсу ў раёне задзейнічаны 41 камбайн – у асноўным “КЗС-1218” і “Лексіёны”. Каб тэхніка працавала без збояў і якасна ўбірала ўраджай, у Валожынскім сельскагаспадарчым прафесійным ліцэі створана група па тэхналагічнай настройцы і праверцы герметызацыі з ліку інжынерна-тэхнічных работнікаў, якой кіруе дырэктар навучальнай установы Уладзімір Іванавіч Мітрошчанкаў. Штодзень яны выязджаюць на палеткі і разам з камбайнерамі правяраюць не толькі, як праводзіцца ўборка рапсу, але і сочаць за работай ворыўных агрэгатаў – узорванне глебы таксама мае вялікае значэнне ў тэхналагічным працэсе.

Па стане на 26 ліпеня ў сельгаспрадпрыемствах убраны 1289 гектараў рапсу, што складае 35,9 працэнта ад пасяўной плошчы. Намалочны 2037 тон масланасення рапсу пры сярэдняй ураджайнасці па раёне 15,8 цэнтнера з гектара. Самую большую ўраджайнасць рапсу атрымліваюць у КСУП “Сугвазды-агра” – 28,3 ц/га. Больш за 25 цэнтнераў з гектара маюць у СГУ “Бабровічы” УП “Мінскаблгаз”, у ТАА “Адамова” ўраджайнасць складае 22,2 ц/га. У астатніх гаспадарках атрымліваюць з гектара ад 11,4 да 19,2 цэнтнера.

Амаль усё масланасенне рапсу адразу ж ідзе на продаж. Так, на ЗАТ “Аблрапсаграсэрвіс” пастаўлена 1100 тон, ААТ “Валожынская райаграпрамтэхніка” – амаль 80 тон, больш за 150 тон прададзена Гарадзейскаму цукроваму камбінату і 27 тон – Маладзечанскаму камбінату хлебапрадуктаў.

Алена ЗАЛЕСКАЯ

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars