Наведаў радзіму герой…

наведаў

    «Кожны раз сэрцам імкнуся сюды, на малую радзіму, і кожны раз баюся не паспець: гады прымушаюць задумвацца аб гэтым», – дзеліцца разважаннямі наш знакаміты зямляк, Герой Расійскай Федэрацыі Аляксей Мікалаевіч Бацян. Нядаўна разведчык чарговы раз прыехаў з Масквы ў суседнюю з роднымі для яго Чартавічамі вёску Пруднікі і правёў некалькі цудоўных гадзін на ўлонні прыроды разам са шматлікімі сваякамі.

 

Сустрэцца з кавалерам ордэнаў Мужнасці і «За заслугі перад Айчынай» IV ступені, двух ордэнаў Чырвонага Сцяга, ордэна Айчыннай вайны I ступені, ордэна Працоўнага Чырвонага Сцяга, ордэна Віртуці Мілітары, уладальнікам медалёў «За баявыя заслугі» і «Партызану Айчыннай вайны» I ступені, якому сёлета споўнілася 100 гадоў, завітаў і старшыня раённага Савета дэпутатаў С. Ф. Глінскі. Ад імя раённай улады ён уручыў Аляксею Мікалаевічу падарунак-сувенір, а пасля пагутарыў з легендарным «маёрам Віхрам».

Алаксей Мікалаевіч, нягледзячы на ўнушальны ўзрост, гадам стараецца не паддавацца: па сведчаннях сваякоў, вядзе актыўнае грамадскае жыццё, сустракаецца з патрыятычна настроенымі маладымі масквічамі, а таксама не мае промахаў у стралковых спаборніцтвах. Пры нашай сустрэчы ён падзякаваў за праяўляемую ўвагу, а таксама пажадаў раёну працвітаць і мацаваць дабрабыт. «З кожным маім прыездам радуюся за Валожыншчыну: год ад году яна харашэе, вабіць яркімі фарбамі, – зазначыў Герой Расіі. – Жадаю, каб так было і надалей. Упэўнены, яшчэ буду ганарыцца новымі поспехамі сваіх землякоў». Гэта пажаданне ўзаемнае, шаноўны Аляксей Мікалаевіч!

Сяргей САДОЎСКІ,

фота аўтара

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars