Каб не згасала цікавасць да ведаў…

каб-не-згасала

Аксана Аляксандраўна РУСОВІЧ працуе настаўнікам вось ужо дзесяць гадоў. Зараз выкладае матэматыку ў сёмых, восьмых і ў профільным матэматычным адзінаццатым класах Івянецкай школы.

Кажа, што яе галоўная мэта – навучыць дзяцей думаць лагічна, каб у далейшым жыцці прымаць узважаныя і рацыянальныя рашэнні, а яе прадмет у гэтым – галоўны памочнік. Самае любімае ў працы – калі на ўроку вучні зразумелі ўсё, што настаўніца хацела расказаць, тады адразу бачны вынік.

Настаўніца займаецца медыяпраектам, у рамках якога вучыць школьнікаў працаваць з інтэрнэтам і разнастайнымі крыніцамі інфармацыі адтуль. Напрыклад, яны шукаюць матэматычныя неадпаведнасці і фэйкі ў фільмах, бяруць кулінарныя рэцэпты і вылічваюць правільныя прапорцыі прадуктаў. Да гэтых урокаў рыхтавацца цяжка, але вучням падабаецца займацца такім чынам, яны з энтузіязмам працуюць над заданнямі.

У сваё прафесіянальнае свята Аксана Аляксандраўна жадае, каб у дзетак не згасала цікавасць да ведаў, а настаўнікам – вялікага цярпення.

Настасся ЛЯВІНСКАЯ,

фота аўтара

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars