Пашпарты гатоўнасці атрымалі

i

     Скора будзе дадзены старт ацяпляльнаму сезону, а гэта значыць, што ў камунальнікаў пачнецца самы адказны перыяд.

Сёлета РУП “Валожынскі жылкамунгас” за ўласныя сродкі замяніла на кацельні ў Брыльках два неэканамічныя катлы на сучасныя, якія будуць працаваць на “блакітным” паліве. Мадэрнізацыя абышлася прадпрыемству ў 60000 рублёў. Грашовы баланс тут плануюць ураўнаважыць аптымізацыяй: устаноўка новага абсталявання дазволіла скараціць колькасць працуючых на кацельнай.

Энергаэфектыўныя катлы панясуць у новым сезоне цяпло і для выхаванцаў Ракаўскага дзіцячага сада. Толькі на мантажныя работы камунальнікамі было выдаткавана больш за 15000 рублёў, усяго ж на перааснашчэнне аб’екта затрачана звыш 65000.

Згодна з планавым заданнем выканана пракладка на цеплатрасах ПІТ-трубаў. Усе 187 жылых дамоў, якія абслугоўваюцца кацельнымі жылкамунгаса, атрымалі пашпарты гатоўнасці задоўга да пачатку зімы. Кацельні, а іх у раёне налічваецца 34, уключацца ў работу па першым запатрабаванні.

Не гублялі часу і работнікі ўчастка добраўпарадкавання. Для пасыпкі дарог набыта неабходная колькасць пясчана-солевых сумесей, снегаўборачная тэхніка прайшла тэхагляд і гатова да эксплуатацыі.

Алена ЗБІРЭНКА

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars