Пераднавагодні “Мерыдыян”

Пераднавагодні-Мерыдыян

Магазін райспажыўтаварыства “Мерыдыян”, які абслугоўвае жыхароў мікрараёна Сельгастэхніка ў Валожыне, напярэдадні Новага года парадаваў сваіх наведвальнікаў не толькі асартыментам, але і святочным афармленнем. Нават такая капрызная і непрадказальная асоба, як паэтычная Муза, гэта ацаніла і “падкінула” рыфму: 

І зал гандлёвы так змяніўся,

Так мішурою заіскрыўся,
Што проста глянуць было люба – 

Хоць ты вядзі яго да шлюба…

Здзівіць чымсьці су-часнага чалавека – справа вельмі складаная. Таму адзначыць фантазію прадаўцоў “Мерыдыяна”, загадчыцы магазіна Алы Міхайлаўны Піраговай трэба абавязкова. Адчуваецца, што тут з любоўю і веданнем справы расстаўлены тавары, не пашкадавана сіл і творчай энергіі пры ўпрыгожванні памяшкання гірляндамі і аплікацыямі. Вядома, такому дэкору ў перыяд зімовых свят аддаюць перавагу і іншыя гандлёвыя кропкі. Аднак калектыў “Мерыдыяна” аказаўся больш аператыўным. Да таго ж работнікі ўспомнілі, што ўсё новае – добра забытае старое – і аднавілі выпуск насценгазеты. Першы нумар “Мерыдыяначкі” (такую назву далі газеце) апісвае іх працоўныя будні, раскрывае планы на будучыню. Не забыты і пакупнікі: ім адрасаваны рэклама, віншаванні, найлепшыя пажаданні.

Наведвальнікі магазіна ў сваю чаргу таксама не скупяцца на добрыя словы. Жыхарка Валожына Ала Рэут расказала, што бывае ў “Мерыдыяне” ледзь не кожны дзень і заўважае шматлікія перамены ў лепшы бок: стала больш тавараў, палепшылася іх якасць і разнастайнасць, радуе вока выкладка. Але асабліва з прыходам Алы Міхайлаўны змяніліся прадаўцы. Яны – сама ветлівасць і добразычлівасць. Кожнага, хто завітаў да іх, сустракаюць як найлепшага госця, радуюцца яго прыходу і стараюцца, каб ніхто не пакінуў магазін без пакупак.

Правільнасць падыходу новай загадчыцы да сваіх абавязкаў пацвярджаюць і эканамічныя паказчыкі. Пры падвядзенні вынікаў работы за 11 месяцаў магазін паказаў дынаміку развіцця рознічнага тавараабароту на 103,2 працэнта, што вышэй, чым запланавана.

 

Алена ЗБІРЭНКА

Фота Сяргея БОБРЫКА

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars