Сацыяльная дапамога на даму

1_b4021cb95f8b

    Паважаныя грамадзяне, калі ў вас узнікла цяжкая жыццёвая сітуацыя і патрабуецца дапамога, дзяржаўная ўстанова “Валожынскі тэрытарыяльны цэнтр сацыяльнага абслугоўвання насельніцтва” прапануе скарыстацца паслугамі, якія аказваюцца сацыяльным работнікам аддзялення сацыяльнай дапамогі на даму.

 Сацыяльныя паслугі аддзяленнем аказваюцца непрацаздольным грамадзянам-інвалідам I ці II групы, непрацуючым грамадзянам, якія дасягнулі 60-гадовага ўзросту і маюць права на дзяржаўную пенсію, не маюць медыцынскіх супрацьпаказанняў (з якімі не быў заключаны дагавор рэнты або дагавор пажыццёвага ўтрымання з прадстаўленнем сродкаў на ўтрыманне).

Сацыяльныя работнікі аддзялення сацыяльнай дапамогі на даму аказваюць паслугі згодна з медыцынскім заключэннем устаноў аховы здароўя і Пералікам бясплатных і агульнадаступных сацыяльных паслуг дзяржаўных устаноў сацыяльнага абслугоўвання.

Умовы аплаты за надомнае абслугоўванне вызначаюцца памерам даходу (пенсіі) пенсіянера ці інваліда і наяўнасцю ў абслугоўваемага грамадзяніна працаздольных сваякоў, павінных па законе аказваць яму дапамогу.

Сацыяльныя паслугі аказваюцца грамадзянам на наступных умовах: бясплатна – малазабяспечаным адзінокім непрацаздольным грамадзянам, сярэднедушавы даход якіх ніжэй за БПМ у сярэднім на душу насельніцтва; на ўмовах частковай аплаты – адзінокім непрацаздольным грамадзянам (сем’ям), сярэднедушавы даход якіх не перавышае 200% зацверджанага ў устаноўленным парадку БПМ у сярэднім на душу насельніцтва; на ўмовах поўнай аплаты – непрацаздольным грамадзянам (сем’ям), што атрымліваюць сярэднедушавы даход вышэй за 200% зацверджанага ва ўстаноўленым парадку БПМ. Разлік кошту комплекснага сацыяльнага абслугоўвання праводзіцца зыходзячы з кошту аднаго візіту і колькасці візітаў сацыяльнага работніка ў месяц.

Падчас візіту сацыльным работнікам па запатрабаванні грамадзяніна аказваецца 3 і больш платных паслуг, згодна з заключаным дагаворам і пералікам паслуг, які з’яўляецца неад’емнай часткай дагавору. У пералік паслуг на платнай аснове, у залежнасці ад функцыянальнага класа, устаноўленага ўстановамі аховы здароўя, уваходзяць наступныя паслугі:

купля і дастаўка на дом прадуктаў харчавання, прамысловых тавараў першай неабходнасці;

арганізацыя гарачага харчавання на даму: дастаўка на дом гарачага харчавання, аказанне дапамогі ў гатаванні стравы;

дастаўка агародніны са сховішча;

дастаўка вады (для пражываючых у жылых памяшканнях без цэнтральнага водазабеспячэння);

дапамога ў распальванні печак (для пражываючых у жылых памяшканнях без цэнтральнага ацяплення): дастаўка паліва са сховішча, падрыхтоўка печак да распальвання, распальванне печак;

здача рэчаў у пральню, хімчыстку, рамонт і іх дастаўка на дом;

уборка жылых памяшканняў: праціранне пылу з паверхні мэблі, вынас смецця, падмятанне падлогі, прыбіранне з дапамогай пыласоса мягкай мэблі, дываноў і падлогавых пакрыццяў, чыстка прыложкавых дыванкоў і дарожак, мыццё падлогі, мыццё аконнага шкла і аконных пераплётаў, праціранне падаконнікаў, ачыстка аконных рам ад паперы (праклейка аконных рам паперай), замена занавесак і фіранак, уборка пылу са сцен і столі, чыстка ванны, умывальніка (ракавіны), чыстка газавай (электрычнай) пліты;

унясенне аплаты са сродкаў абслугоўваемага грамадзяніна за жыллёва-камунальныя паслугі, карыстанне жылым памяшканнем, паслугі сувязі;

дастаўка (забеспячэнне) лекавых сродкаў і вырабаў медыцынскага прызначэння;

чыстка прыдамавых дарожак ад снегу ў зімовы перыяд (для пражываючых у жылых дамах сядзібнага тыпу);

прыбіранне прыдамавой тэрыторыі з 1 красавіка да 31 кастрычніка (для пражываючых у жылых дамах сядзібнага тыпу);

аказанне дапамогі ў апрананні, зняцці адзення, пераапрананні;

аказанне дапамогі ў змене (перасціланні) пасцельнай бялізны;

аказанне дапамогі ў выкананні санітарна-гігіенічных працэдур: прычэсванне, прыняцце ванны (душа), мыццё галавы, брыццё барады і вусоў, гігіенічная апрацоўка ног і рук (стрыжка пазногцяў);

арганізацыя прагулкі на свежым паветры (да 30 хвілін);

аказанне першай дапамогі;

аказанне дапамогі ў выкананні прызначэнняў, рэкамендацый медыцынскага работніка і інш.

Грамадзянам, якім патрэбны паслугі, што не ўваходзяць у Пералік бясплатных і агульнадаступных сацыяльных паслуг дзяржаўных устаноў сацыяльнага абслугоўвання, прапануем скарыстацца наступнымі паслугамі:

пасадка, праполка бульбы, скошванне бацвіння касой;

ускопванне градаў, сяўба насення і пасадка расады агародніны, праполка, паліў агарода;

касьба травы (прадстаўляецца грамадзянам, якія знаходзяцца на надомным абслугоўванні, адзінокім грамадзянам, ветэранам Вялікай Айчыннай вайны і адзінокім інвалідам I і II груп);

нарыхтоўка садавіны і агародніны на зіму, збор ураджаю з пладовых дрэў і кустоў, уборка бульбы і с/г культур;

вынас пустазелля пасля ўборкі агародніны;

догляд за садовымі дрэвамі і кустамі;

мыццё з дапамогай мыючых сродкаў (дзверы, падаконнік, шафа, сталы, кніжная паліца, крэсла, сцяна, столь, электраасвятляльныя прыборы, рашотка на акно, посуд, халадзільнік унутры і звонку, ацяпляльная батарэя);

ачыстка кніг ад пылу, люстэрак, кафельнай пліткі;

навеска на кручкі карнізаў, вешалак і г. д.;

падагрэў стравы;

здача шклянога посуду;

паслугі па пераносе тарфянога брыкету, вугля і іх складзіраванні;

распілоўка, колка і складванне дроў (прадстаўляецца грамадзянам, якія знаходзяцца на надомным абслугоўванні, адзінокім грамадзянам, ветэранам Вялікай Айчыннай вайны і адзінокім інвалідам I і II груп);

разавая ачыстка прыдамавой тэрыторыі ад снегу;

устаноўка аўтаномнага пажарнага апавяшчальніка;

капіраванне дакументаў.

Аплата за дадзеныя паслугі разлічваецца згодна з калькуляцыяй.

Чакаем вас па адрасах: г. Валожын, вул. Міру, 8, каб. № 3, 5, 6, 7; г. п. Івянец, пл. Свабоды, 2. Тэлефоны: 58205, 54378, 54598, 58613, 51503.

Таццяна ЯРОТА,

загадчык аддзялення

сацыяльнай дапамогі на даму

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars