Налібоцкія сосны

     Самастойная высечка дрэў у лесе была пад забаронай ледзь не ва ўсе часы і пры любой уладзе. Пажылыя людзі расказваюць, што гэта зладзейства звычайна чынілася пад покрывам ночы. Гук пілы стараліся прыглушыць рознымі прыстасаваннямі, апілкі старанна прыбіралі, а пень маскіравалі мохам, спадзеючыся, што ляснік акажацца няўважлівым. Штрафы і тады, і цяпер за незаконную высечку накладваліся значныя.

     У ліпені на тэрыторыі прыродаахоўных лясоў “Налібоцкі заказнік” супрацоўнікі Івянецкага лясніцтва выявілі, што невядомы лесаруб высек сем сосен, пакінуўшы пні ў дыяметры ад 40 да 56 сантыментаў. Пра такую “дробязь”, як канспірацыя, чалавек не клапаціўся: пакінуў пасля сябе не толькі пілавінне, але і сляды ад абутку і шын аўтамабіля. Акрамя таго, сосны ён цягнуў па зямлі аж дадому, што максімальна аблягчыла лясгасаўцам пошукі злодзея.

    Пасля таго, як усе неабходныя пратаколы былі складзены і падпісаны, кіраўніцтва ДЛГУ “Валожынскі лясгас” звярнулася ў суд Валожынскага раёна з заявай аб прыцягненні вінаватага да адказнасці за ўчыненае правапарушэнне па ч. 1 артыкула 15.22 Кодэкса аб адміністрацыйных правапарушэннях. Доказам віны сталі не толькі пісьмовыя дакументы, але і фотаздымкі.

     Суд устанавіў, што незаконная высечка дрэў нанесла матэрыяльны ўрон прыродзе ў памеры 5027,44 рубля, які правапарушальніку неабходна пакрыць. Акрамя таго, уся нарыхтаваная драўніна канфіскуецца ў даход дзяржавы. Згодна з санкцыямі часткі 1 артыкула 15.22, мерай пакарання выбраны штраф – сем базавых велічынь, што на момант вынясення пастановы суда складала 171 рубель 50 капеек.

                                                                                                                                                    Алена ЗБІРЭНКА

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars