Штогод у Беларусі фіксуюцца выпадкі падзення дзяцей з вокнаў, якія прыводзяць да інваліднасці альбо смяротнага зыходу.

    Каб пазбегнуць няшчаснага выпадку, звязанага з падзеннем дзіцяці з акна, неабходна прытрымлівацца наступных правіл:

    – нельга пакідаць маленькіх дзяцей адных. Адчуваючы страх, дзеці выглядаюць у акно ці з балкона, каб убачыць бацькоў;

    – адсуньце ад вокнаў усе віды мэблі, каб залезці на падаконнік было немагчыма;

    – адкрывайце вокны зверху, а не знізу;

    – стаўце на вокны спецыяльныя фіксатары або блакатары, якія не дазваляюць адкрываць акно больш чым на 10 сантыметраў;

    – ніколі не разлічвайце на маскітныя сеткі! Яны не абараняюць ад падзення, а, наадварот, спрыяюць трагедыі. Вельмі часта дзеці выпадаюць разам з гэтымі сеткамі;

    – абараніце вокны, уставіўшы аконныя рашоткі;

    – ніколі не пакідайце вокны адкрытымі, калі дома дзіця.

Ірына ЮХНОЎСКАЯ,

раённы ўрач-педыятр