Рэспубліканская прафілактычная акцыя «Жыццё даражэй за шыны!»

     З 26 лістапада па 6 снежня праводзіцца рэспубліканская прафілактычная акцыя «Жыццё даражэй за шыны!» па папярэджанні дарожна-транспартных здарэнняў у зімовы перыяд і прапагандзе выкарыстання зімовых шын. Таксама ў мэтах падрыхтоўкі аўтамабіляў да эксплуатацыі ў зімовых умовах 30 лістапада Дзяржаўтаінспекцыя праводзіць адзіны Дзень бяспекі дарожнага руху пад дэвізам: «Зіма на колах – не будзе заносаў!».

    У перыяд акцыі і Дня бяспекі ва ўсіх раёнах вобласці пройдуць мерапрыемствы, у рамках якіх супрацоўнікі ДАІ сумесна з зацікаўленымі арганізацыямі правядуць растлумачальную работу ў працоўных калектывах, установах адукацыі і іншых арганізацыях, нагадаўшы пра абавязковае выкарыстанне зімовых шын і бяспечнае ваджэнне ў зімовых умовах.

    З пачатку 2018 года на тэрыторыі Валожынскага раёна зарэгістраваны 16 дарожна-транспартных здарэнняў, у якіх 8 чалавек загінулі і 29 атрымалі траўмы рознай ступені цяжкасці, 4 ДТЗ здзейснілі вадзіцелі ў стане алкагольнага ап’янення. 3 ДТЗ адбыліся з удзелам непаўналетніх.

    Згодна з пунктам 207-1 ПДР, пры ўдзеле ў дарожным руху з 1 снежня па 1 сакавіка аўтамабілі з тэхнічна дапушчальнай агульнай масай да 3,5 тоны ўключна, легкавыя і грузапасажырскія аўтамабілі з масай звыш 3,5 тоны, а таксама аўтобусы да 5 тон павінны быць абсталяваны зімовымі шынамі. Яны ўстанаўліваюцца на ўсіх колах транспартнага сродку і павінны мець рэшткавую вышыню малюнка пратэктара не менш за 4 мм.

    Адказнасць за невыкарыстанне на транспартным сродку зімовых шын прадугледжана часткай 5 артыкула 18.22 КоАП (іншыя парушэнні ПДР) і цягне папярэджанне або накладанне штрафу ў памеры да 0,5 базавай велічыні. Калі на транспартным сродку ўстаноўлены зімовыя шыны, але рэшткавая вышыня малюнка пратэктара складае менш за 4 мм, адказнасць па частцы 3 артыкула 18.12 КоАП (кіраванне транспартным сродкам, які мае няспраўнасці) цягне папярэджанне або накладанне штрафу ў памеры да 1 базавай велічыні. У выпадку здзяйснення дзеянняў, адказнасць за якія прадугледжана часткай 3 артыкула 18.12 КоАП, паўторна на працягу аднаго года за такія ж парушэнні, яны будуць кваліфікавацца па частцы 9 артыкула 18.12 КоАП і пацягнуць накладанне штрафу ў памеры ад 2 да 5 базавых велічынь.

Вадзім ПАСЕКА,

старшы інспектар ДПС АДАІ

Валожынскага РАУС

Вы можаце пакінуць каментарый або зваротную спасылку з вашага сайта.

Адзін каментарый да матэрыяла “Рэспубліканская прафілактычная акцыя «Жыццё даражэй за шыны!»”

  1. Зимняя резина зимой реально отлично помогает на дороге, советую всем переобуться

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars