Дзень бяспекі на лёдзе

     Як толькі пачынаецца зіма, большасць дзяцей, ды і некаторыя дарослыя з нецярпеннем чакаюць, калі на вадаёмах замерзне лёд. Гэта, вядома, добрая магчымасць пакоўзацца на каньках, заняцца рыбалкай, але не варта забываць пра бяспеку на лёдзе.

    У ДУА “Сакаўшчынскі навучальна-педагагічны комплекс дзіцячы сад-сярэдняя школа імя В. А. Каваленкі” вялікая ўвага надаецца асновам бяспекі жыццядзейнасці і бяспечных паводзін вучняў. На працягу многіх гадоў тут працуе першасная арганізацыя ТВВОД, у склад якой уваходзяць члены педагагічнага і вучнёўскага калектываў.

    28 лістапада ва ўстанове адукацыі прайшоў агульнашкольны Дзень бяспекі на лёдзе. У рамках яго адбылася сустрэча са старшынёй раённай арганізацыі Таварыства выратавання на водах Іванам Мікалаевічам Сухадольцам. Для вучняў 6-11 класаў на базе паста ТВВОД аг. Сакаўшчына Іван Мікалаевіч правёў практычны занятак па навучанні прыёмам выратавання і навыкам аказання першай дапамогі асобам, што трапілі ў цяжкае становішча на вадзе і лёдзе. А для малодшых школьнікаў у цікавай і даступнай форме было расказана пра правілы бяспечных паводзін блізка ля вадаёмаў і на лёдзе. Дзеці не засталіся абыякавымі да пачутага і задавалі пытанні. Класныя кіраўнікі прадэманстравалі вучням відэафільм “Тонкі лёд”. Таксама ў рамках Дня бяспекі была арганізавана выстава ў школьнай бібліятэцы і размешчана інфармацыя на сайце навучальнай установы.

    Усе дзеці пераканаліся, што наша бяспека залежыць толькі ад нас саміх.

Дар’я МАКРЫЦКАЯ,

намеснік дырэктара па выхаваўчай рабоце

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars