Выхадныя ў “Раўбічах”

У “Раўбічах” прайшлі абласныя спаборніцтвы па біятлоне сярод дзяцей і падлеткаў “Снежны снайпер” на прызы Прэзідэнцкага спартыўнага клуба.

У Рэспубліканскім цэнтры алімпійскай падрыхтоўкі сабраліся амаль тры сотні юных спартсменаў Міншчыны. Сярод іх былі і 12 прадстаўнікоў Валожынскага раёна, якія прайшлі сур’ёзны адбор на школьных, а пасля раённых спаборніцтвах. У малодшую ўзроставую групу ўвайшлі вучні 5-6 класаў: Яна Круглік з Сакаўшчынскага ВПК, Паліна Поляк з гімназіі № 1 г. Валожына, Герман Яновіч з Суднікаўскай СШ, Вадзім Болвах з Вішнеўскага ВПК. Сярэдняя ўзроставая група была прадстаўлена вучнямі 7-8 класаў. Гэта Яна Кагал з Івянецкай СШ, Таццяна Дубінец з Суднікаўскай СШ, Дзяніс Шыдлоўскі з Вішнеўскага ВПК, Павел Трыпуцька з Багданаўскага ВПК. Дзевяцікласнікі Юлія Баталава з Сакаўшчынскага ВПК, Данііл Міхеткін з СШ № 2 г. Валожына, Дзіяна Санкоўская і Міхаіл Коласаў з Пяршайскага ВПК выступілі ў старэйшай узроставай групе. Рабяты спаборнічалі ў спрынтарскай гонцы і стральбе на агнявым рубяжы.

Юных біятланістаў падтрымлівалі шэсць тысяч дзяцей, бацькоў і педагогаў, што размясціліся на трыбунах “Раўбічаў”. Пахварэць за аднакласнікаў і землякоў прыехала і дэлегацыя Валожынскага раёна. Аматарам біятлону хацелася бачыць у лідарах менавіта сваіх прадстаўнікоў. На жаль, іх не аказалася сярод каманды нашага раёна.

На трыбунах з гледачамі працавалі аніматары ў касцюмах роставых лялек, педагогі устаноў дадатковай адукацыі. Сярод іх былі і прадстаўнікі цэнтра творчасці дзяцей і моладзі Валожынскага раёна. Яны праводзілі разнастайныя рухавыя гульні, каб не даць замерзнуць і стварыць у дзяцей вясёлы, бадзёры настрой.

Падчас спаборніцтваў у “Раўбічах” у рамках праекта “Міншчына спартыўная” на школьных стадыёнах раёна ў падтрымку нашай каманды адбыліся лыжныя гонкі. Акцыя “Разам з камандай!” была накіравана на развіццё спартыўнага руху, фарміраванне ў дзяцей і дарослых асноў здаровага ладу жыцця, падтрыманне каманднага духу. Таксама ва ўсіх установах адукацыі раёна прайшлі зімовыя спартыўныя эстафеты, гульнявыя праграмы, конкурсы снежных фігур і малявання на снезе. Была магчымасць пакатацца на каньках і санках, паўдзельнічаць у рухавых гульнях.

Анжэла РАДЫНА

 

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора

  • Рубрики

  • Новости БЕЛТА

  • Свежие записи

  • Архивы

  • Погода в Воложине

    Погода в Воложине
    Информация сайта pogoda.by
  • Праздники

  • Гороскопы

    Loading...
  • Курсы валют


  •    
    Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars