Прафiлактычная акцыя «Цвярозы вадзiцель»

У мінулыя выхадныя на тэрыторыі раёна прайшла прафілактычная акцыя “Цвярозы вадзіцель”, падчас якой за кіраванне транспартам у стане алкагольнага ап’янення былі затрыманы 2 вадзіцелі. Такую інфармацыю паведамілі ў Дзяржаўтаінспекцыі.

8 сакавіка, удзень, у вёсцы Падневічы 40-гадовы мінчанін знаходзіўся нецвярозым за рулем квадрацыкла: узровень алкаголю ў крыві склаў 2,20 праміле пры дапушчальным узроўні да 0,29. Згодна з заканадаўствам за парушэнне Правіл дарожнага руху гора-вадзіцель атрымаў штраф у памеры 50 базавых велічынь і пазбаўлены вадзіцельскіх правоў на тры гады.

На наступны дзень жыхар сталіцы 1985 года нараджэння, праязджаючы на легкавым аўтамабілі па аграгарадку Ракаў, не справіўся з кіраваннем, наехаў спачатку на дарожны знак, а пасля на агароджу маста. Назіраючы за такімі “выкрунтасамі”, прахожая жанчына выклікала нарад ДАІ. Вадзіцель паспрабаваў уцячы з месца здарэння, але быў затрыманы ўчастковым міліцыянерам: узровень алкаголю склаў 2,68 праміле. Аднак здавацца малады мужчына не збіраўся і нават аказаў супраціўленне супрацоўніку праваахоўных органаў. За непадпарадкаванне ён арыштаваны на 15 сутак і, як і яго зямляк, застаўся без руля, а таксама заплаціць штраф у памеры 70 базавых велічынь.

Усяго з пачатку гэтага года за кіраванне транспартам у нецвярозым стане ў нашым раёне затрыманы 14 вадзіцеляў.

Наш кар.

 

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора

  • Рубрики

  • Новости БЕЛТА

  • Свежие записи

  • Архивы

  • Погода в Воложине

    Погода в Воложине
    Информация сайта pogoda.by
  • Праздники

  • Гороскопы

    Loading...
  • Курсы валют


  •    
    Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars