З удзячнасцю да жывёлаводаў

У ААТ “Тарасава” ў рамках акцыі “Наш жывёлавод” адбылося ўзнагароджванне лепшых працаўнікоў, якія шчыруюць на фермах гаспадаркі.

У мерапрыемстве, што прайшло на МТК “Паморшчына” (ВУ “Ракаў”), прыняў удзел намеснік старшыні Мінскага абкама прафсаюза работнікаў аграпрамысловага комплексу Пётр Максімавіч Окунеў.

Па хадайніцтве раённага камітэта лістом з падзякай Рэспубліканскага камітэта ўзнагароджаны жывёлавод МТФ “Дварэц” Алег Алегавіч Балотнік, ветэрынарны ўрач ВУ “Ракаў” Вераніка Леанідаўна Маеўская, аператар машыннага даення МТК “Паморшчына” Людміла Валер’еўна Мазура.

Пётр Максімавіч падзякаваў працаўнікам за іх шчырае стаўленне да абавязкаў і пажадаў добрых заробкаў, шчасця і дабрабыту ў сям’і.

Старшыня раённага камітэта Віктар Станіслававіч Гідлеўскі таксама далучыўся да віншаванняў і ўручыў каштоўныя падарункі аператарам машыннага даення Валянціне Вікенцьеўне Рындзевіч (МТФ “Дварэц”) і Святлане Віктараўне Якубовіч (МТФ “Залессе”), жывёлаводу на дарошчванні маладняку фермы “Пугачы” Наталлі Уладзіміраўне Пятруцік, слесару па рамонце і эксплуатацыі абсталявання МТФ “Пугачы” Сяргею Фёдаравічу Бізуну.

Валянціна КРАЎНЕВІЧ

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars