«Менестрэлi» ў Лiтве

Культура

Напачатку сакавіка ў г. Рудаміна (Літва) прайшоў Міжнародны парад акардэонных ансамбляў і аркестраў. Арганізатарам мерапрыемства быў кіраўнік Рудамінаўскага аркестра акардэаністаў Багдан Вайцяновіч. Парад адбыўся ў рамках юбілейных канцэртаў, прысвечаных 15-годдзю Рудамінаўскай школы мастацтваў.

Усяго ў мерапрыемстве прымалі ўдзел два ансамблі і восем аркестраў з Літвы і блізкага замежжа. Прадстаўнікамі Беларусі сталі Лідскі аркестр і ансамбль “Менестрэлі” (кіраўнік – Кацярына Дварэцкая) Ракаўскай дзіцячай школы мастацтваў. Кожны ўдзельнік прадстаўляў сваю праграму, а заключным акордам стала выкананне “Літоўскай народнай полькі” вялікім зводным аркестрам, у якім удзельнічалі каля 170 выканаўцаў.

На другі дзень пасля фестывалю юныя ракаўчане адправіліся на экскурсію ў Рыгу, дзе атрымалі шмат прыемных эмоцый, нягледзячы на дажджлівае надвор’е. Музыканты наведалі лабараторыю алхіміка, пазнаёміліся з Рыжскім катам, прайшліся па рыжскім вуліцам і падзямеллям. У канцы экскурсіі рабяты загадалі жаданні каля скульптуры “Брэменскія музыкі”, якую падарыў Рызе горад-пабрацім Брэмен.

Паездка “Менестрэляў”, як заўсёды, атрымалася насычанай і багатай на ўражанні.

Наш кар.



Добавить комментарий

Ваш адрес email не будет опубликован. Обязательные поля помечены *