Хрыстос Уваскрос! Сапраўды ўваскрос!

Общество

Сардэчныя віншаванні ўсім праваслаўным валожынцам са святам Вялікадня!

Для мільёнаў вернікаў Светлае Хрыстова Уваскрэсенне з’яўляецца ўвасабленнем жыцця, любові і міласэрнасці. Гэты вясновы святочны дзень напоўнены асаблівым сэнсам. Ён дапамагае кожнаму з нас адчуць дзівосную прыгажосць жыцця, нясе надзеі на перамены да лепшага, умацоўвае імкненне да стваральнасці і справядлівасці. Як заўжды, мы сустракаем вялікае свята ў згодзе і ладзе, з міласэрнасцю, яднаючыся ў лепшых пачуццях.

Велікодная радасць фарміруе маральныя асновы грамадства, сяброўскія адносіны паміж людзьмі розных перакананняў і поглядаў. Толькі кіруючыся светлымі душэўнымі якасцямі, мы пабудуем годную будучыню, умацуем сямейныя каштоўнасці, выхаваем падрастаючае пакаленне ў прыстойнасці, сумленнасці і гуманізме.

Няхай вера дапаможа нам пераадолець усе цяжкасці і выпрабаванні, а светлая Велікодная радасць натхніць на новыя добрыя справы і ўчынкі.

Ад усёй душы жадаю вам і вашым блізкім моцнага здароўя, душэўнага цяпла, выдатнага настрою! Хрыстос уваскрэс!

З павагай,

старшыня раённага выканаўчага камітэта

Мікалай Анатольевіч АСТРЭЙКА

Паважаныя валожынцы, вернікі праваслаўнай канфесіі!

Прыміце шчырыя і сардэчныя віншаванні з найвялікшым хрысціянскім святам – Светлым Уваскрэсеннем Хрыстовым!

У гэтыя дні асаблівая, ні з чым не параўнальная радасць перапаўняе нашы сэрцы, дапамагае далучыцца да каштоўнасцей і ідэалаў хрысціянства, дорыць пачуццё духоўнага адраджэння і абнаўлення. Для многіх пакаленняў гэта вялікае свята з’яўляецца сімвалам радасці жыцця і перамогі дабра над злом, чалавекалюбства і справядлівасці, нагодай да ўзаемнага прабачэння і пераадолення цяжкасцей.

Няхай разам са святочнымі Велікоднымі званамі ў кожную сям’ю увойдуць шчасце, дабрабыт, гармонія, спакой і паразуменне! Жадаем, каб радасць Уваскрэсення Хрыстова напаўняла сэрцы, а святло Боскай любові сагравала родных і блізкіх!

Здароўя вам і вашым блізкім, гармоніі, свету і паразумення!

Іван Станіслававіч Маркевіч,

намеснік старшыні Мінскага аблвыканкама,

дэпутат Палаты прадстаўнікоў Нацыянальнага сходу Рэспублікі Беларусь,

Мікалай Вячаслававіч РАДАМАН,

член Савета Рэспублікі Нацыянальнага сходу Рэспублікі Беларусь



Добавить комментарий

Ваш e-mail не будет опубликован. Обязательные поля помечены *