Сувязь парлментарыяў з грамадскасцю

У панядзелак у райвыканкаме чарговы прыём грамадзян правёў член Савета Рэспублікі Нацыянальнага сходу Рэспублікі Беларусь Мікалай Вячаслававіч РАДАМАН.

Хвалюючых валожынцаў пытанняў да парламентарыя не было. І, як зазначыў М. В. Радаман, гэта акалічнасць сведчыць пра тое, што ўлада ведае, чым жывуць у раёне людзі, якія праблемы існуюць, і стараецца адносіцца да патрэб насельніцтва па-дзяржаўнаму. Нямала болевых кропкаў давялося вырашыць прадстаўніку народа з моманту абрання ў Савет Рэспублікі. Як кіраўнік адной з самых буйных і перадавых гаспадарак у рэспубліцы – СВК “Агракамбінат “Сноў” – і як чалавек ад зямлі, ён душой хварэе за сваіх падначаленых, простых вяскоўцаў, жыве іх клопатамі і турботамі.

“Безумоўна ж, прыёмы грамадзян патрэбна праводзіць, – разважае Мікалай Вячаслававіч. – Але ў штодзённай рабоце вельмі важнай з’яўляецца сувязь простага чалавека з уладай, каб чыноўнік у далейшым змог данесці просьбы людзей да кіраўніцтва краіны. Не так даўно я ініцыіраваў перад міністрам працы і сацыяльнай абароны, федэрацыяй прафсаюзаў і беларускім прафсаюзам работнікаў аграпрамысловага комплексу пытанне атрымання датэрміновай пенсіі за шкодныя ўмовы работы: да гэтай катэгорыі адносяцца даяркі, цялятніцы і асабліва трактарысты. У 2009 годзе былі ўнесены змены ў пастанову аб выхадзе на пенсію па льгоце, згодна з якімі, напрыклад, трактарысту, што ўсё жыццё аддаў энерганасычанай тэхніцы, у 58 гадоў ужо нельга працаваць на гэтай рабоце. Аднак ільготная пенсія ў яго будзе складаць усяго 80 рублёў. Тры гадзіны мы абмяркоўвалі, як павярнуцца тварам да таго, хто потам здабывае надзённы хлеб і корміць краіну. Цяпер рыхтуецца адпаведны пакет дакументаў, які ў далейшым павінен легчы на стол Прэзідэнта. Важна зразумець, што такая катэгорыя работнікаў заўсёды запатрабавана, тым больш, што ў аграрнай галіне існуе пастаянны недахоп спецыялістаў. Тых, хто працуе ў сельскай гаспадарцы, трэба падтрымліваць і стымуляваць, каб чалавек адчуваў клопат пра сябе”.

Алена ЗАЛЕСКАЯ

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора


   
Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars