Так трымаць, Вiкторыя!

Выпускніца гімназіі № 1 г. Валожына Вікторыя ПАШКОЎСКАЯ атрымала 100 балаў на цэнтралізаваным тэсціраванні па беларускай мове.

“Як убачыла запаветныя лічбы, сэрца ў пяткі сышло! Мне вельмі былі патрэбны гэтыя 100 балаў!” – кажа Вікторыя, успамінаючы той напружаны і хвалюючы дзень у чаканні вынікаў.

Па стане здароўя тэст па беларускай мове яна пісала ў рэзервовы дзень. На выкананне заданняў адводзілася дзве гадзіны, справілася ж за паўгадзіны – “птушкі” паставіла толькі насупраць чатырох пытанняў – усяго ж іх было сорак, бо ў адказах на іншыя была ўпэўнена. Разлічвала мінімум на 90 балаў – дзеля гэтага многа і старанна займалася самастойна. І, як бачна, перамога не прымусіла сябе чакаць.

На раённым выпускным балі Вікторыя Пашкоўская атрымала падзяку ад упраўлення па адукацыі, спорце і турызме райвыканкама за дасягненне высокіх вынікаў у вучобе. Яна паспяхова здала экзамены ў школе, атрымаўшы агульны бал атэстата 9,4. Сваю далейшую адукацыю плануе звязаць з эканомікай, бо, па словах дзяўчыны, вельмі любіць матэматыку.

Пажадаем ёй поспехаў і здзяйснення задуманага!

Алена ЗАЛЕСКАЯ

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора

  • Рубрики

  • Новости БЕЛТА

  • Свежие записи

  • Архивы

  • Погода в Воложине

    Погода в Воложине
    Информация сайта pogoda.by
  • Праздники

  • Гороскопы

    Loading...
  • Курсы валют


  •    
    Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars