ЯК НАМАЛОЧВАЕЦЦА ЖАДАНАЯ ТЫСЯЧА…

У аўторак у раёне з’явіўся яшчэ адзін камбайнавы экіпаж, які намалаціў 1000 тон зерня. Такога выніку дасягнулі Аляксандр ТКАЧЭНКА і Максім НОВІК з КСУП “Пяршаі-2014”.

    Павіншаваць лепшых хлебаробаў з важкай перамогай прыехалі прадстаўнікі райвыканкама, прафсаюза работнікаў АПК і раённага аб’яднання прафсаюзаў, першы сакратар райкама ГА “БРСМ”. Маладых камбайнераў сустрэлі на мехдвары – надвор’е было неспрыяльным для ўборкі, раз-пораз сыпаў невялікі дожджык, таму работы ў полі не вяліся.

    Галоўны спецыяліст аддзела ідэалагічнай работы, культуры і па справах моладзі Ганна Канановіч, уручаючы падзячныя пісьмы за подпісам старшыні райвыканкама, адзначыла цяжкія напружаныя будні ў сельскай гаспадарцы і падкрэсліла, што кіраўніцтва раёна ганарыцца такімі работнікамі, бо яны – прыклад для іншых. Прыемна ўсведамляць, што ў караваі Міншчыны ёсць і часцінка іх працы.

    Старшыня райкама прафсаюза работнікаў АПК Віктар Гідлеўскі ўручыў пераможцам каштоўныя падарункі, а Вераніка Загорская – фірменныя кепкі з лагатыпам “115 гадоў прафсаюзам Беларусі”.

    Ад кіраўніцтва гаспадаркі камбайнеры-тысячнікі атрымалі грашовую прэмію ў памеры 200 рублёў кожны. Як падкрэсліла намеснік дырэктара сельгаспрадпрыемства Марына Майсевіч, згодна з умовамі спаборніцтва, за высокі ўраджай пры выкананні даведзеных заданняў хлопцы маюць магчымасць атрымаць яшчэ па 700 рублёў.

    “Пра тысячны намалот мы вельмі марылі і стараліся з усіх сіл, – зазначыў А. Ткачэнка. – Пыталіся ў кожнага вадзіцеля, колькі тон ён завёз. А калі дасягнулі вызначанага рубяжа – эмоцыі перапаўнялі, нібы ракету ў космас запусцілі. А пасля ўзнагароджання ў нас быццам бы крылы выраслі і ёсць імкненне дабраць да дзвюх тысяч”.

Алена ЗАЛЕСКАЯ,

фота аўтара

Вы можаце пакінуць каментарый або зваротную спасылку з вашага сайта.

Пакінуць каментарый


приёмная главного редактора

  • Рубрики

  • Новости БЕЛТА

  • Свежие записи

  • Архивы

  • Погода в Воложине

    Погода в Воложине
    Информация сайта pogoda.by
  • Праздники

  • Гороскопы

    Loading...
  • Курсы валют


  •    
    Powered by WordPress | Compare Best Sprint Phone Deals Online. | Thanks to Credit Card Deals, Best CD Rates and Sell cars