Прошло собрание Ивенецкого горпоселкового отдела общественной организации «Саюз палякаў на Беларусі”

Общество

На мінулым тыдні адбыўся сход Івянецкага гарпасялковага аддзела грамадскай арганізацыі “Саюз палякаў на Беларусі”. Са справаздачай аб праведзенай рабоце за мінулы год і планах на 2011-ы выступіў старшыня аддзела С. І. Бурачэўскі.

Сваё членства ў грамадскай арганізацыі пацвердзілі 86 івянчан. У парадак дня сходу было ўключана пытанне аб прыёме ў рады новых членаў. Была пададзена 21 заява. Усе жадаючыя сталі паўнапраўнымі членамі арганізацыі, якая на цяперашні момант налічвае 107 чалавек. У пераважнай большасці навічкі – людзі 40-50-гадовага ўзросту, ёсць і больш маладыя, і пенсіянеры.

Выбраны цалкам новы састаў праўлення, у якое ўвайшлі 5 чалавек. Паміж імі размеркаваны абавязкі: нехта канкрэтна адказвае за правядзенне і арганізацыю культурна-масавых мерапрыемстваў, нехта – за паездкі і экскурсіі, работу з вучнямі Івянецкай сярэдняй школы і сродкамі масавай інфармацыі. Быў абраны рэвізор, які будзе сачыць за правільнасцю вядзення і афармлення дакументацыі, расходваннем членскіх узносаў і грашовых сродкаў.

На сходзе прапанавана асвойваць іншыя накірункі культурна-асветніцкай дзейнасці. Больш актыўна наладжваць цеснае супрацоўніцтва з польскім бокам, з горадам-пабрацімам. Акрамя таго, як і раней, будуць адзначацца ўсе каталіцкія святы, а таксама каляндарныя святы краіны-суседкі.

У рабоце справаздачнага сходу прынялі ўдзел намеснік старшыні ГА “Саюз палякаў на Беларусі” М. Ч. Лысы і старшыня Івянецкага гарпасвыканкама С. В. Рэут.

Наталля ШТЭЙНЕР



Добавить комментарий