Мерапрыемства для аматараў прэсы

Общество

У разгар падпісной кампаніі на другі квартал валожынскія паштавікі ў чарговы раз правялі традыцыйную акцыю – Дзень падпісчыка.

Тых, хто завітаў у кліенцкую залу ўчастка паштовай сувязі з мэтай аформіць абанемент, сустракала Л. Л. Шаўрэй. Людміла Леанідаўна правяла розыгрыш бяспройгрышнай латарэі. У выніку кожнаму дастаўся невялікі, але карысны прыз.
Усяго ў гэты дзень падпісаны 344 экзэмпляры на 4279 руб. Па традыцыі найбольш актыўна падпісваліся жыхары райцэнтра і навакольных вёсак на раённую газету “Працоўная слава” (55 экзэмпляраў). Даўняя аматарка нашага выдання жыхарка вёскі Бурмакі Галіна Нікадзімаўна Слабадзянюк стала першай, хто падчас акцыі выпісаў раёнку. У розыгрышы яе прыза прыняла ўдзел вучаніца Сакаўшчынскай школы Алена Чарняўская.
Сярод лідараў таксама наступныя выданні: “СБ. Беларусь сегодня” (18), “Знамя юности” (15), “Мінская праўда” (15). Як адзначылі ў аддзеле падпіскі, апошнім часам у насельніцтва карыстаюцца папулярнасцю часопісы і газеты гаспадарчага, кулінарнага кшталту. Добра разыходзяцца і такія, што дапамагаюць з карысцю бавіць час – сканворды і практыкумы па рукадзеллі і майстраванні.
На наступным тыдні ў Валожыне пройдзе Дзень падпісчыка з удзелам журналістаў “СБ. Беларусь сегодня”.

Валянціна КРАЎНЕВІЧ,
фота аўтара