Кідаеш вуду – глянь угару!

Без рубрики Закон и порядок

Увесну нярэдка адбываюцца няшчасныя выпадкі ад удараў токам з рыбакамі, якія лавілі рыбу паблізу ліній электраперадач.

Раней вуды вырабляліся з дрэва, а зараз – у асноўным з пластыка. Пластык з’яўляецца выдатным правадніком электрычнасці. Павышаная вільготнасць, мокрая лёска – фактары, якія ствараюць пагрозу для жыцця нават пры набліжэнні да правадоў, а пры датыканні да іх непазбежна вядуць да электратраўм.  Праходзячы каля ліній электраперадач, неабходна складваць вудзільна.

Каб пазбегнуць няшчасных выпадкаў, Дзяржэнергагазнагляд рэкамендуе:

– перад рыбалкай уважліва агледзьце месца. Калі там непадалёку ёсць высакавольтныя электраправады, то пастарайцеся ад іх адысці як мага далей;

– звяртайце ўвагу на папераджальныя плакаты тыпу “Ахоўная зона ЛЭП. Небяспечна! Рыбная лоўля забаронена!”;

– закідайце вуды і спінінгі так, каб не зачапіць лёскай электрычныя правады.

 

Мікалай КОСІК,

начальнік Валожынскай раённай энергагазінспекцыі Дзяржэнергагазнагляд