Валанцёры БРСМ не засталіся ў баку

Важное Молодежный курьер

Згодна з інфармацыяй БелТА, валанцёры руху БРСМ «Добрае сэрца» распаўсюдзілі ва ўсіх рэгіёнах краіны і горадзе Мінску больш за 260 тыс. інфармацыйна-прафілактычных лістовак «Важна ведаць».

Усяго размешчаны 269166 лістовак. З іх 54 тыс. прыйшлі з дастаўкай дадому ад газеты «Знамя юности». Да гэтай важнай работы далучыліся таксама прадпрыемствы, арганізацыі, прадстаўнікі бізнесу.

Напярэдадні вялікіх выхадных добраахвотнікі нашай маладзёжнай арганізацыі імкнуцца праінфармаваць як мага больш жыхароў Беларусі аб прафілактыцы ў час каранавіруснай інфекцыі. За апошнія тры дні яны распаўсюдзілі па ўсёй краіне больш за 63 тыс. інфармацыйных лістовак, учора — толькі ў Мінску 5 тыс. Безумоўна, зварот да пажылых людзей з просьбай заставацца дома займае на інфармацыйных постарах адно з цэнтральных месцаў, паколькі пажылыя знаходзяцца ў групе рызыкі. Таксама звяртаемся да ўсіх жыхароў нашай краіны: заставайцеся ў выхадныя дома, засцеражыце сябе і сваіх блізкіх ад небяспекі.

Штодзень валанцёры дапамагаюць паліклінікам своечасова забяспечыць пажылых рэцэптамі: перададзена ўжо каля 9 тыс. рэцэптаў для далейшага лячэння хранічных захворванняў. Таксама ў гэтыя дні валанцёрская каманда БРСМ і Чырвонага Крыжа дапамагае тэрытарыяльным цэнтрам сацыяльнага абслугоўвання насельніцтва ў дастаўцы прадуктаў першай неабходнасці і неабходных лякарстваў адзінокім пажылым людзям.

Сумесна з РУП «Белпошта» БРСМ 14 красавіка запусціў добрасардэчны марафон «Дзякуй медыкам». За гэты час у адрас устаноў аховы здароўя толькі актывісты саюза моладзі адправілі 6147 паштовак са словамі падзякі за работу ўрачам і медыцынскаму персаналу. Сказаць дзякуй людзям у белых халатах можа кожны. Марка на такую ​​паштоўку не патрэбна. А вось хэштэг, напісаны на паштовай картцы #СпасибоМедикам, і адрас установы аховы здароўя — абавязковыя ўмовы.

Фота БРСМ