Маскі давядзецца насіць да завяршэння эпідэмічнага працэсу — Міністэрства аховы здароўя

COVID-19

 

Масачны рэжым і сацыяльнае дыстанцыраванне давядзецца выконваць да таго часу, пакуль не пойдзе на спад захваральнасць. Аб гэтым заявіў у праграме «Галоўны эфір» на тэлеканале «Беларусь 1» выконваючы абавязкі міністра аховы здароўя Дзмітрый Піневіч, паведамляе БЕЛТА.

 Галоўная задача рэгіянальных штабоў па рэагаванні на COVID-19 — аб’яднаць кадравыя, матэрыяльныя, іншыя рэсурсы. На думку Дзмітрыя Піневіча, гэта задача, якая вырашаецца пад кіраўніцтвам кіраўнікоў рэгіёнаў, выканана паспяхова. «Другая задача — работа па адхіленнях. Гэта заўвагі, якія ёсць. Рэгіянальныя штабы правялі першы зрэз ужо. Але гэтыя заўвагі аператыўна ўстараняюцца ў час работы нашых маніторынгавых груп або максімум на наступны дзень. У большай ступені, напэўна, звязаны з тым, што хворых стала больш у параўнанні з вясенняй хваляй. Гэта ўносіць некаторыя карэктывы, але некрытычныя, — сказаў Дзмітрый Піневіч. — Другі кампанент — ёсць момант выгарання персаналу».

Таксама ён даў аператыўную інфармацыю аб сітуацыі з захваральнасцю ў розных абласцях краіны. «Напэўна, на піку ўжо Гродзенскі рэгіён і, будзем спадзявацца, Мінскі рэгіён. Прадаўжаюць прырастаць Гомель, Віцебск і Магілёў. А найбольш павольна прырастае Брэсцкая вобласць». Адставанне Брэсцкай вобласці ад астатніх медык звязвае з тым, што там пазней завяршылася першая хваля каранавіруса. «Законы эпідпрацэсу ніхто не адмяняў: рэгіёны, якія вясной «не адыгралі» ў поўнай меры, стартавалі раней восенню. Тыя, хто былі ў большай ступені, як Віцебскі і Брэсцкі рэгіёны, пазней уступілі ў другую хвалю. Усё гэта ўкладваецца ў нашы прагнозы. Гэта не сведчыць аб тым, што мы павінны расслабіцца ў такім працэсе. Якраз наадварот», — растлумачыў Дзмітрый Піневіч.

Ён падкрэсліў: у гэтай сітуацыі самае галоўнае — забяспечыць кіруемасць працэсу шляхам пастаяннага маніторынгу і аператыўнага рэагавання. Дзякуючы таму, што прагнозы пацвярджаюцца, рабіць гэта прасцей.

Маскі беларусам давядзецца насіць, пакуль не скончыцца эпідэмічны працэс. «Гэта рэспіраторны этыкет. Эпідэмічны працэс ідзе па сваіх законах. Іх даволі складана абысці. Таму масачны рэжым і сацыяльнае дыстанцыраванне да завяршэння эпідпрацэсу, як мінімум да пачатку, так скажам, спаду ўзроўню захваральнасці, павінны выконвацца. А ў цэлым, можа, да чэрвеня», — сказаў на заканчэнне Дзмітрый Піневіч.