ДА СПАРТЫЎНЫХ ПЕРАМОГ

Общество

На базе фізкультурна-аздараўленчага комплексу аграгарадка Ціхінічы Рагачоўскага раёна Гомельскай вобласці прайшла рэспубліканская спартакіяда актыву Беларускага прафсаюза работнікаў аграпрамысловага комплексу.

У спаборніцтвах прынялі ўдзел зборныя каманды кожнай з абласцей краіны. У склад каманды Міншчыны ўвайшоў прадстаўнік Валожыншчыны – старшыня раённага камітэта прафсаюза работнікаў АПК Вікенцій Мікалаевіч Адамовіч.

Падчас спартакіяды адбыліся як камандныя спаборніцтвы, так і індывідуальныя. Спартсмены паказалі свае здольнасці ў стральбе, плаванні, дартсе, ігры ў більярд, валейболе, баскетболе і інш.

Вітаў удзельнікаў сустрэчы старшыня рэспубліканскага камтэта галіновага прафсаюза Васілій Міхайлавіч Хвацік.

Валянціна КРАЎНЕВІЧ