Увага, конкурс!

Кругозор Молодежный курьер Общество

Падлеткам прапануюць паўдзельнічаць у сеткавай экалагічнай віктарыне на тэму «Прырода і жывёльны свет Беларусі»

Арганізатарам конкурсу выступае раённае аддзяленне грамадскай арганізацыі «Хрысціянская садружнасць дарослых і маладых». Сярод задач экавіктарыны – папулярызацыя беражлівага стаўлення да лесу і яго насельнікаў, выхаванне любові да прыроды, а таксама выяўленне і заахвочванне падлеткаў з актыўнай жыццёвай пазіцыяй.

Конкурс-віктарына праводзіцца да 20 мая 2021 года. У ім могуць прымаць удзел навучэнцы ўстаноў агульнай сярэдняй і дадатковай адукацыі дзяцей і моладзі ва ўзросце ад 13 да 17 гадоў.

Кожны ўдзельнік конкурсу-віктарыны павінен даць пісьмовыя адказы на пытанні ў Google-форме (спасылка клікабельная).

Разам з адказамі ўдзельнік прадастаўляе кароткую інфармацыю пра сябе: імя і прозвішча, узрост, нумар мабільнага тэлефона і адрас электроннай пошты.

Пры падвядзенні вынікаў будуць улічвацца максімальна правільныя адказы на пытанні.

Усе ўдзельнікі, якія даслалі правільныя адказы, будуць удзельнічаць у розыгрышы прызоў 22 мая, па адрасе: в. Ганчары, вул. Мядовая, 1.

Пераможцаў узнагародзяць дыпломамі і памятнымі прызамі.