Церабленне лёну завяршаецца ў Беларусі

Аграрный сектор и промышленность

Церабленне лёну завяршаецца ў Беларусі, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.

Паводле даных на 25 жніўня, церабленне лёну праведзена на 41,1 тыс. га (99,2 працэнта плошчы). Варочанне стужак лёну выканана на 22,5 тыс. га (54,8 працэнта да выцерабленага). Ільнотраста паднята на 15,3 тыс. га (36,8 працэнта ўборачнай плошчы).

Збожжавыя і зернебабовыя культуры (без кукурузы) убраны з 2,06 млн га, што складае 97,2 працэнта запланаванай плошчы. Намалочана 6,27 млн т збожжа. Па намалоце лідзіруе Мінская вобласць — больш за 1,6 млн т збожжа, далей ідуць Брэсцкая вобласць — каля 1,2 млн т, Гродзенская — больш за 1 млн т, у Магілёўскай намалочана 849,7 тыс. т, Гомельскай — 780,2 тыс. т, Віцебскай — 767,7 тыс. т.

Дзяржзаказ па збожжы выкананы на 89,6 працэнта, пастаўлена 744,4 тыс. т.