Паважаныя работнікі друку, радыё, тэлебачання і сувязі Мінскай вобласці!

Общество

У гэтыя майскія дні адзначаюцца прафесіянальныя святы. Ад усёй душы віншую вас!

У жыцці грамадства роля і значэнне сродкаў масавай інфармацыі надзвычай важная. Як звяно паміж людзьмі і дзяржавай, вы працуеце ў імя адзінай мэты, падпарадкаванай вырашэнню важных задач сацыяльна-эканамічнага развіцця, павышэння ўзроўню і якасці жыцця нашых грамадзян, абароны іх правоў і інтарэсаў.

Работнікам СМІ Міншчыны ўласціва асаблівая ўвага да сацыяльнай праблематыкі, патрэб простага чалавека, беражлівае абыходжанне са словам. Захоўваючы і прымнажаючы лепшыя традыцыі айчыннай журналістыкі, вы забяспечваеце магчымасць жыхарам Міншчыны атрымліваць поўную інфармацыйную карціну падзей і працэсаў, аб’ектыўным словам уплываеце на іх развіццё, адстойваеце праўду і справядлівасць.

Жадаю ўсім вам новых поспехаў і ідэй, прафесіянальнага даўгалецця, моцнага здароўя, шчасця і ўдачы.

Барыс БАТУРА,

старшыня Мінскага абласнога выканаўчага камітэта.

 



Добавить комментарий