ІНТЭРНЭТ – АКНО Ў СВЕТ

Общество

Сетка Інтэрнэт зрабілася неад’емнай часткай сучаснага жыцця. Усё больш людзей не могуць уявіць сябе без “сусветнага павуціння” не толькі на рабоце, але і ў вольны час.

Паводле дадзеных статыстыкі, трэцяя частка насельніцтва свету пастаянна выкарыстоўвае Інтэрнэт. У Еўропе гэтая лічба амаль што ўдвая большая – 61,3 працэнта насельніцтва з’яўляюцца Інтэрнэт-карыстальнікамі. У Беларусі каля 40 працэнтаў сем’яў маюць доступ у сусветную сетку з хатняга камп’ютара. На Валожыншчыне гэта лічба крыху меншая – каля 25 працэнтаў хатніх гаспадарак з’яўляюцца падпісчыкамі паслугі “высокахуткасны доступ у Інтэрнэт”, якую прапануе раённы вузел электрасувязі.

Сорак чатыры працэнты аматараў сусветнага павуціння раёна сканцэнтраваны ў Валожыне. Другое і трэцяе месцы займаюць Івянец і Ракаў, дзе знаходзяцца адпаведна 15 і 10 працэнтаў Інтэрнэт-падпісчыкаў “Белтэлекама”. Прыблізна гэткія ж лічбы характарызуюць і цікавасць людзей да інтэрактыўнага тэлебачання “Зала” – выгодамі “паслухмянага” лічбавага ТБ карыстаюцца амаль што 22 працэнты сем’яў. Папулярнасць “мабільнага” Інтэрнэта, які прапануюць беларускія аператары мабільнай  сувязі, значна меншая. Штомесяц яго карыстальнікамі становіцца каля дзесяці чалавек.

Андрэй ЗАХАРАНКА.

 



Добавить комментарий