Матуля, ты самая лепшая…

Молодежный курьер

Выхаванцы дзіцячых садоў і навучэнцы школ пісалі на мінулым тыдні адкрытае пісьмо маці. Творчая акцыя праходзіла ва ўстановах адукацыі раёна.

Арганізатары, спецыялісты аддзела адукацыі райвыканкама, прапанавалі дашкалятам працягнуць некалькі сказаў у сваім роздуме пра маму. Вось што сказалі дзеці:

 

Я хачу прызнацца табе ў тым, што:

– ты – чараўніца, бо заўсёды ўсё ведаеш.

Аліна Дрозд.

– ты – мой самы любімы чалавек у гэтым свеце і ва ўсёй галактыцы, і я хачу, каб ты заўсёды заставалася такой.

Саша Трухоўскі.

 

Сёння свята, і я:

– хачу, каб ты прыйшла да мяне ў сне.

Ксенія Саевіч.

– хачу падараваць табе касметыку, каб ты была заўсёды прыгожай.

Аляксандр Загавалка.

– адкрыю табе сакрэт – мы з татам хочам спячы для цябе торт.

Крысціна Сухалет.

– жадаю табе быць цярплівай, крышку пачакаць, пакуль я вырасту, і ў нас будзе машына.

Алёша Жукоўскі.

– жадаю, каб тата кахаў цябе і падараваў табе кветкі.

Раман Архіпаў.

 

Я не заўсёды:

– бываю добрай, а часам нават сумую.

Аня Бекіш.

– бываю такім добрым і паслухмяным, як табе хочацца.

Саша Трухоўскі.

 

Я заўсёды:

– рады табе ва ўсім дапамагчы, каб табе было лягчэй.

Алёша Жукоўскі.

– буду моцна любіць цябе, бо ты –  мая мама.

Саша Трухоўскі.

 

Я люблю цябе, таму што:

– ты клапоцішся пра нас і чытаеш цікавыя кнігі.

Данік Карпека.

– мы з табой збіраем лісты клёнаў і засушваем іх у кнізе. А яшчэ таму, што ты паказваеш мне месяц і зоркі, якія падаюць з неба ў жніўні.

Аліна Дрозд.

– ты кожны дзень купляеш мне прысмакі.

Крысціна Сухалет.

 



Добавить комментарий