У АТМАСФЕРЫ МІЖКАНФЕСІЯНАЛЬНАЙ ТАЛЕРАНТНАСЦІ

Культура

На тэрыторыі Валожынскага раёна дзейнічаюць 38 рэлігійных арганізацый:

21 – беларускай праваслаўнай царквы;

9 – рымска-каталіцкай;

5 – хрысціян веры евангельскай;

2 – евангельскіх хрысціян-баптыстаў;

1 – стараверская.

Рэлігійную дзейнасць ажыццяўляюць 23 святары, з іх:

10 – праваслаўныя;

8 –  каталікі (з іх 3 – грамадзяне Рэспублікі Польшчы);

3 – хрысціян веры евангельскай;

2 – евангельскіх хрысціян-баптыстаў.

У стараверскай царкве святара няма.

Набажэнствы ў праваслаўных і каталіцкіх прыходах праходзяць у культавых будынках.

Цэрквы евангельскіх хрысціян-баптыстаў у Пяршаях і Ракаве маюць уласныя культавыя будынкі, царква ХВЕ «Крыніца жыцця» ў г. Валожыне размешчана ў перабудаваным нежылым будынку, астатнія цэрквы хрысціян веры евангельскай і евангельскіх хрысціян-баптыстаў размешчаны ў прыстасаваных жылых памяшканнях.

У 11 рэлігійных абшчынах працуюць Нядзельныя школы для дзяцей і моладзі (5 – праваслаўныя, 6 – каталіцкія), у якіх навучаецца 495 чалавек. Іх дзейнасць ажыццяўляецца ў адпаведнасці з заканадаўствам.

Колькасць насельніцтва Валожынскага раёна складае 35697 чалавек. Па нацыянальным складзе: беларусы – 88,7%, рускія – 3%, палякі – 7,4%, украінцы – 0,6%, яўрэі – 0,03% і інш. – 0,3%.

У раёне зарэгістраваны Валожынскі раённы аддзел грамадскага аб’яднання «Саюз палякаў на Беларусі».

Ён уключае ў сябе пяць аддзелаў: Валожынскі гарадскі (27 чалавек), Вішнеўскі (18), Сівіцкі (34), Ракаўскі (27) сельскія аддзелы, Івянецкі гарпасялковы (107).

Аддзеламі раённай арганізацыі ГА «Саюз Палякаў на Беларусі» праводзяцца розныя мерапрыемствы культурна-асветніцкай накіраванасці.

Пры Доме польскім у Івянцы  (з’яўляецца ўласнасцю грамадскага аб’яднання «Саюз палякаў на Беларусі») створаны ансамбль польскай песні, арганізаваны факультатыўныя заняткі па вывучэнні польскай мовы.

У раёне таксама зарэгістравана і дзейнічае аддзяленне ГА «Польска Матеж школьна», у факультатыўных групах і гуртках якога займаюцца больш за 200 дзяцей.

 



Добавить комментарий